БІЛІМ БЕРУ БАҒДАРЛАМАСЫ
7M06135 – IT жүйелерін басқару білім беру бағдарламасы (бейіндік, 1 жыл)
Кодтан стратегияға дейін: IT басқаруда көшбасшы бол!
- Бағдарлама туралы не білу керек?
- Қандай маман бола аласыз?
- Оқу қалай жүзеге асады?
- Не үйренесіз?
- Материалдық-техникалық база
- Халықаралық мүмкіндіктер, мансап және кәсіпкерлік
«IT жүйелерді басқару» білім беру бағдарламасы заманауи ақпараттық технологияларды басқару, бизнес-процестерді автоматтандыру және цифрлық трансформацияны жүзеге асыру бойынша жоғары деңгейлі мамандарды даярлауға бағытталған. Бағдарлама ІТ-инфрақұрылымды жобалау мен басқару, бұлттық технологиялар, деректермен жұмыс, жобалық менеджмент және киберқауіпсіздік бағыттарын қамтиды.
Мақсаты – ұйымдардың ақпараттық ресурстарын тиімді басқарып, стратегиялық шешім қабылдай алатын ІТ-басқарушыларды даярлау.
Бағдарлама түлектері келесі мамандықтар бойынша еңбек ете алады:
• IT-директор (CIO),
• жоба менеджері (Project Manager),
• жүйелік аналитик,
• DevOps-инженер,
• бизнес-талдаушы,
• ақпараттық қауіпсіздік менеджері,
• цифрлық трансформация бойынша кеңесші.
Мамандар ІТ-компанияларда, банктерде, телекоммуникация саласында, мемлекеттік және жеке ұйымдарда сұранысқа ие.
Оқыту үдерісі практикалық бағытта ұйымдастырылған: зертханалық сабақтар, өндірістік жобалар, бизнес-кейстер мен ғылыми зерттеулер қамтылған. Сабақтар қазақ, орыс және ағылшын тілдерінде өткізіледі. Студенттер нақты компаниялармен бірлескен жобаларда жұмыс істейді.
Бағдарлама келесі негізгі бағыттарды қамтиды:
• IT-инфрақұрылымды басқару және жүйе архитектурасын жобалау;
• Жобалық және сервистік менеджмент (Agile, Scrum, ITIL, DevOps);
• Бұлттық технологиялар мен деректер инфрақұрылымы (AWS, Azure, Google Cloud);
• Киберқауіпсіздік және тәуекелдерді басқару;
• Бизнес-процестерді талдау және оңтайландыру;
• Цифрлық трансформация және инновациялық даму стратегиялары.
Университет заманауи компьютерлік зертханалармен, серверлік орталықтармен, виртуалды оқу алаңдарымен және арнайы бағдарламалық құралдармен жабдықталған. Магистранттар индустриялық жағдайға барынша ұқсас ортада тәжірибе жинақтайды.
Бағдарлама Erasmus+, Mevlana сияқты халықаралық академиялық алмасу бағдарламаларына қатысуға мүмкіндік береді. ALT University жанындағы Startup Hub және Innovation Lab орталықтары арқылы студенттер өз инновациялық жобаларын іске асырып, кәсіпкерлік дағдыларын дамыта алады.
