РО 1 – Академиялық жазудың әртүрлі стильдері мен форматтарын меңгере отырып, ақпаратты сыни талдау және синтездеу қағидаларын интеграциялау

РО 2 – Зерттеу әдіснамасын қолдана отырып қойылған міндеттерді шешу үшін ғылыми зерттеулерді ұйымдастыру және алынған деректерді талдау арқылы негізделген қорытындылар жасау

РО 3 – Логистикалық жүйелердің концептуалдық және математикалық модельдерін әзірлеу және логистикалық процестерді оңтайландыру үшін модельдеу нәтижелерін талдау

РО 4 – Цифрлық экономика ерекшеліктерін ескере отырып логистиканы дамытудың стратегиялық жоспарларын әзірлеу және динамикалық ортада стратегиялық шешімдердің тиімділігін бағалау

РО 5 – Жеткізу тізбектерін басқару тиімділігін арттыру үшін инновациялық технологияларды қолдану әлеуетін бағалау және оларды енгізу стратегияларын әзірлеу

РО 6 – Цифрлық экономика жағдайында инновациялық технологияларды қолдана отырып логистиканы стратегиялық басқару бойынша негізделген ұсыныстар әзірлеу үшін білімді синтездеу

Түлектер практикалық және басқарушылық қызметке бағдарланған және келесі лауазымдарды атқара алады:

• Логистика жөніндегі директор / Supply Chain Director – жеткізу тізбектері мен компанияның логистикалық қызметін стратегиялық басқару
• Логистикалық және инфрақұрылымдық жобалар жетекшісі – көлік және жеткізу тізбектерін басқару саласындағы кешенді жобаларды іске асыру
• Логистика және операциялық тиімділік бойынша кеңесші – бизнес-процестерді оңтайландыру және цифрлық шешімдерді енгізу
• Логистикалық жүйелердің талдаушысы және архитектор – жеткізу тізбектерін талдау, модельдеу және реинжиниринг
• Логистика менеджері (Senior/Top level) – логистикалық бөлімшелердің операциялық қызметін басқару
• Халықаралық логистика және СЭҚ бойынша сарапшы – сыртқы сауда жеткізілімдері мен кедендік рәсімдерді басқару
• Логистиканың функционалдық бағыттарының жетекшісі (көлік, қоймалау, сатып алу, дистрибуция, қорларды басқару және S&OP) – жеткізу тізбегінің негізгі элементтерін кешенді басқару

Бағдарлама түлектері – стратегиялық шешімдер қабылдай алатын және ұлттық әрі халықаралық компанияларда күрделі логистикалық жүйелерді басқара алатын жоғары деңгейлі мамандар.

Оқыту практикалық-зерттеу бағытында ұйымдастырылған және мыналарды қамтиды:

• Нақты салалық міндеттер мен кейстерді шешуге бағытталған модульдік оқыту
• Жобалық жұмыс: логистикалық жүйелерді оңтайландыруға бағытталған жеке және командалық жобаларды орындау
• Ғылыми-талдамалық қызмет: қолданбалы зерттеулер жүргізу, деректерді өңдеу, жарияланымдар мен аналитикалық есептер дайындау
• Шешімдерді әзірлеу және негіздеу үшін цифрлық құралдарды пайдалану
• Индустриямен интеграция: компания жобаларына қатысу, тағылымдамалар, бизнес тапсырыстары бойынша зерттеулер жүргізу
• Сала үшін қолданбалы маңызы бар докторлық диссертацияны дайындау

• Жеткізу тізбектері, көлік ағындары және қойма жүйелерін эксперименттік модельдеуге мүмкіндік беретін нақты логистикалық процестер модельдерімен жабдықталған оқу және зерттеу зертханалары
• Логистикалық жүйелерді талдау және оңтайландыру үшін пайдаланылатын цифрлық симуляциялық орталар мен бағдарламалық кешендер
• Инновациялық технологияларды қолдана отырып жеткізу тізбектерін, цифрлық ағындарды және «болашақ қоймаларын» басқару бойынша практикалық кейстерді қамтитын кейс-зертханалар мен жобалық студиялар
• Қолданбалы зерттеулер жүргізуге және ғылыми негізделген басқарушылық шешімдер әзірлеуге мүмкіндік беретін салалық деректер мен аналитикалық платформаларға қолжетімділік

Бағдарлама мазмұны цифрлық экономика талаптарын ескере отырып қалыптастырылған және мыналарды қамтиды:

• Логистикадағы ғылыми және қолданбалы зерттеулер әдіснамасы
• Логистикалық жүйелердің математикалық және имитациялық модельдеуі
• Жеткізу тізбектерін басқару (Supply Chain Management)
• Цифрлық трансформация жағдайындағы стратегиялық логистика
• Логистикадағы цифрлық технологиялар (TMS, WMS, ERP, Big Data, ITS)
• Логистикадағы инновациялық технологиялар және оларды енгізу
• Деректер аналитикасы және басқарушылық шешімдер қабылдау
• Логистикалық тәуекелдерді басқару және жеткізу тізбектерінің тұрақтылығы

• Докторанттар академиялық ұтқырлыққа, бірлескен зерттеулерге және шетелдік университеттер мен ұйымдармен халықаралық жобаларға, соның ішінде Belt and Road Initiative аясындағы бастамаларға қатысады
• Халықаралық конференцияларға, тағылымдамаларға және Scopus және Web of Science базаларында индекстелетін басылымдарға қатысу
• Бизнес өкілдері мен топ-менеджерлер тарапынан менторлық қолдау
• Еуропа мен Азия университеттерінде академиялық ұтқырлық және алмасу бағдарламалары

Кафедра 30-дан астам көлік-логистикалық компаниялармен тығыз ынтымақтастықта, олардың қатарында:
«Қазақстан темір жолы» ҰК» АҚ, “ASSTRA Almaty” ЖШС, «DAMU Logistics», «ШынгарТранс» ЖШС, «STLC», «KTZ Express» және т.б.

• Жайлы және қауіпсіз бөлмелер
• Wi-Fi, демалыс аймақтары, ас үйлер
• Мәдени және спорттық іс-шаралар