«Көліктегі инновациялық технологиялар: білім, ғылым, өндіріс» IV Халықаралық конференциясы

Логистика және көлік академиясы 2024 жылы 26 сәуірде Тұңғыш қазақ инженері М.Тынышпаевтың 145 жылдығына және Қазақстан темір жолының 120 жылдығына арналған «Көліктегі инновациялық технологиялар: білім, ғылым, өндіріс» IV Халықаралық конференциясын өткізеді.

Конференцияға бизнес-қоғамдастық өкілдері, көлік-логистика және телекоммуникация салаларының жетекші кәсіпорындарының мамандары, ғалымдар, оқытушылар, PhD докторанттар, магистранттар мен ЖОО студенттері шақырылады.

Конференцияның негізгі мақсаты білім алушылардың ғылыми ойлауын, көшбасшылық құзыреттерін, шығармашылық қабілеттерін ашуға және кәсіби дағдыларын жетілдіруге ықпал ететін тәжірибелер, зерттеулер, заманауи әдістер мен тәсілдермен алмасу болып табылады.

Конференция жұмысының негізгі бағыттары:

1. Көліктегі сандық жүйелерді дамытудың өзекті мәселелері;
2. Телекоммуникациялық байланыс жүйелерін дамытудың мәселелері мен перспективалары;
3. Электр энергетикасындағы сандық технологиялар;
4. Логистикадағы инновациялық технологиялар;
5. Тасымалдау процесіндегі инновациялар;
6. Автомобильдер мен жол техникасы;
7. Теміржол жылжымалы құрамын жобалау, пайдалану және жөндеу;
8. Құрылыс инженериясының өзекті мәселелері;
9. Қазіргі заманғы зерттеулер тұрғысынан техникалық және физика-математика ғылымдарының мәселелері;
10. Әлеуметтік-гуманитарлық ғылымдар мен дене тәрбиесінің өзекті мәселелері;
11. Тілдерді оқыту үдерісіндегі инновациялық басымдықтар.

Конференцияның жұмыс тілдері – қазақ, орыс, ағылшын.

Конференцияға ұсынылатын баяндамалар өзекті ғылыми зерттеулердің нәтижелерін қамтуы немесе маңызды практикалық мәнге ие болуы тиіс. Студенттердің күндізгі қатысуының үздік баяндамалары ЛжКА дипломдарымен марапатталады және ұйымдастыру комитетінің шешімі негізінде конференцияның материалдар жинағына енгізіледі.

Конференцияға қатысу нысаны – күндізгі / сырттай.

Конференция қорытындысы бойынша ISBN халықаралық нөмірін бере отырып, ЕЭБ-ке кіретін конференция материалдарының жинағы шығарылатын болады.

Баяндамалар мен тіркеу нысандарын ұсынудың соңғы мерзімі 24.04.2024 ж. дейін.

Конференцияға қатысу үшін конференцияның Ұйымдастыру Комитетінің мекен-жайына isc@alt.edu.kz  «көліктегі Инновациялық технологиялар: білім, ғылым, өндіріс «IV Халықаралық Конференциясы» тақырыбында міндетті түрде көрсете отырып қағаз және электронды түрде келесі материалдарды ұсыну қажет:

• 1-қосымшаға сәйкес қатысуға өтінім (Файл атауы бірінші автордың тегіне сәйкес болуы тиіс);
• 2-қосымшаға сәйкес ресімделген мақала (тіркелген файлдың атауында: бірінші автордың тегі, мақаланың атауы);
• төлем туралы түбіртек.

Жинақтың электрондық нұсқасын ала отырып, авторлар үшін бір мақаланы жариялау құны 5 000 теңгені құрайды.