2025 жылғы 26 наурызда Air Astana М.Тынышпаев атындағы ALT Университетінде қонақ дәрісін өткізді. Спикер Берикқызы Мадина авиатехник мамандарын даярлау бағдарламасын таныстырып, авиация саласында мансап құру мүмкіндіктері туралы айтып берді.
Дәрістің басты тақырыптары:
✈ Халықаралық сертификат пен лицензия – түлектер EASA Part-66 стандартына сәйкес біліктілік алады.
📚 Компания есебінен оқу – қатысушылар бағдарламаға қаржылық шығынсыз қатысады.
💼 Кепілдендірілген жұмысқа орналасу – бағдарламаны сәтті аяқтаған түлектер Air Astana-да жұмысқа тұрады.
📈 Мансаптық өсу мүмкіндіктері – Қазақстанның жетекші авиакомпаниясында кәсіби даму жолы.
ALT Университетінің студенттері бағдарламаның іріктеу кезеңдері, оқу үдерісі мен Air Astana-дағы жұмыс мүмкіндіктері туралы толық ақпарат алды. Дәріс үлкен қызығушылық тудырды, ал қатысушылар барлық маңызды сұрақтарына жауап алды.
💡 Air Astana командасының бір бөлігі болғыңыз келе ме?
Бағдарлама туралы толық ақпарат пен өтінім беру job.airastana.com сайтында.
📍 Жаңа қонақ дәрістері мен мансаптық мүмкіндіктерді жіберіп алмау үшін ALT Университеті мен Air Astana жаңалықтарын бақылаңыз!
