2024 жылғы 28 ақпанда Логистика және Көлік Академиясына Үрімші кәсіби университетінің проректоры Райхан Ахмет және Үрімші қаласының Білім және Мәдениет бөлімінің басқарма мүшелері бастаған делегациясы келді. 28 ақпаннан 2 наурызға дейінгі кезеңде делегация өкілдері Академиямен «Қытай-Орталық Азия оқыту, зерттеу және инженерлік практика саласындағы қолданбалы әзірлемелерді ілгерілету орталығы» (EPIP) мәселелері бойынша белсенді талқылаулар жүргізді, сондай-ақ 2 бағыт бойынша оқытуды ілгерілету ынтымақтастығын талқылады: заманауи логистиканы басқару және электроавтоматизация технологиясы. Сонымен қатар, 2023 жылдың жазында Үрімші кәсіптік университетімен бірлесіп ашылған «Цзинши мектебі (Жібек жолы)» ғылыми шеберханасында қытай тілінде оқитын үздік студенттерді марапаттау рәсімі өтті.
