«Ғылым айы» аясында «АСИ» кафедрасы «Қазақстан Республикасының тәуелсіздік жылдарындағы магистральдық мұнай-газ құбырларының дамуы» тақырыбында қонақ дәріс ұйымдастырды.
Іс-шараның спикері — Нысанғалиев Аман Нысанғалиевич, KMGР (ҚазМұнайГаз Жобалау) директорының кеңесшісі, Қазақстан Республикасының Ұлттық инженерлік академиясының академигі, техника ғылымдарының докторы, профессор.
Дәріс барысында қатысушылар Қазақстандағы магистральдық мұнай-газ құбырларының даму кезеңдерімен, саланың заманауи үрдістерімен, сондай-ақ инженерлік шешімдер мен инфрақұрылымдық дамудың ел экономикасындағы маңызымен танысты.
Іс-шара ашық диалог форматында өтіп, сала өкілі, оқытушылар мен студенттер арасында білім, ғылыми тәжірибе және кәсіби көзқарастар алмасуға маңызды алаң болды.
Осындай кездесулер болашақ мамандардың инженерлік ойлауын дамытуға және білім беру, ғылым мен өндіріс арасындағы байланысты нығайтуға ықпал етеді. Бұл Тұрақты даму мақсаты 9 — «Индустрияландыру, инновациялар және инфрақұрылым» бағытына сәйкес келеді.
