2025 жылғы 3-28 ақпан аралығында М.Тынышпаев атындағы ALT университетінде бітіруші курс студенттеріне арналған «Бизнес Коммуникация» тренингі өтті.
Тренинг барысында қатысушылар іскерлік коммуникация негіздерін, өзін-өзі таныстыру тәсілдерін, сұхбаттасу әдістерін, сондай-ақ еңбек заңнамасының негізгі қағидаларын меңгерді. Студенттер түйіндеме дайындау, сұхбаттан өту және вербалды әрі вербалды емес коммуникация дағдыларын дамыту бойынша практикалық тапсырмалар орындады.
Шақырылған спикерлер:
🔹 Майра Алдабекова – кәсіпкер, экоактивист, Alliance Manchester Business School түлегі, бизнес басқару саласының маманы.
🔹 Жамиля Жакенова – HR саласында 10 жылдан астам тәжірибесі бар сарапшы, медиатор, халықаралық және қазақстандық жетекші компанияларда қызмет еткен оқытушы.
✅ Тренинг қорытындысы:
Тренинг студенттерге еңбек нарығына сенімді қадам басуға, сұхбаттан сәтті өтуге және кәсіби мансабын құруға қажетті құнды білім мен дағдылар берді.
Тренинг соңында белсенді қатысушыларға Университет атынан сертификаттар мен брендтік мерч өнімдері табысталды.
