Біріккен Ұлттар Ұйымының Тұрақты даму мақсаттарын (ТДМ №4 — «Сапалы білім» және ТДМ №11 — «Тұрақты қалалар мен елді мекендер») жүзеге асыру аясында ALT University «Көлік құрылысы» кафедрасының оқытушылары басқа институттардың әріптестерімен бірлесіп, Қазақ ұлттық қыздар педагогикалық университеті базасында орналасқан «Ақтұмар» музейіне сапар жасады. Іс-шара тәжірибе алмасуға, оқытушылардың кәсіби және мәдени көкжиегін кеңейтуге, сондай-ақ білім беру үдерісінде музей педагогикасының мүмкіндіктерімен танысуға бағытталды.
Музейдің мақсаты мен мазмұны: «Ақтұмар» музейінің негізгі мақсаты – білім алушылардың тарихи-мәдени мұраға деген құрметін қалыптастыру, Отанға және ұлттық дәстүрлерге деген сүйіспеншілігін арттыру, сондай-ақ ғылыми-зерттеу қызметіне қызығушылығын дамыту болып табылады. Музей экспозициясы бірнеше маңызды бөлімдерді қамтиды:
-
«Аналар өсиеті – ұлтқа аманат»;
-
«Университет тарихы»;
-
«Қыз әлемі» этно-коллекциясы және «Қыздардың шығармашылығы»;
-
Әйелдердің қоғамдағы рөлін айқындайтын арнайы бөлім.
Тұрақты даму мақсаттарына қосатын үлесі:
-
ТДМ №4 (Сапалы білім): Оқытушылардың кәсіби дамуына, инновациялық пәнаралық тәсілдерді енгізуге және білім беруде музей педагогикасын қолдануға ықпал етеді.
-
ТДМ №11 (Тұрақты қалалар мен елді мекендер): Мәдени және тарихи мұраны сақтау мен насихаттауға, мәдени ортаны дамытуға және ұлттық бірегейлікті нығайтуға бағытталған.
Қорытынды: Осындай іс-шаралар білім сапасын арттыруға, оқытушылардың кәсіби құзыреттілігін дамытуға және институттар арасындағы ынтымақтастықты нығайтуға септігін тигізеді.
