БҰЛ ҚАНДАЙ МАМАНДЫҚ?

Электроэнергетика — халықты, кәсіпорындарды және қалаларды электр энергиясымен қамтамасыз ететін сала. Осы саланың мамандары электр энергиясын өндірумен, тасымалдаумен, бөлумен және оны тиімді пайдаланумен айналысады.

ALT Университетінде біз келесі міндеттерді атқара алатын жаңа буын инженерлерін даярлаймыз:

1. Энергетикалық объектілерді басқару — электр станцияларының, контактілі желілер мен электр желілерінің сенімді жұмысын қамтамасыз ету.
2. Электрмен жабдықтау жүйелерін жобалау — заманауи және қауіпсіз инженерлік шешімдерді әзірлеу.
3. Электр жабдықтарына қызмет көрсету — трансформаторлармен, электр беру желілерімен, қорғаныс аппараттарымен және автоматикамен жұмыс істеу.
4. Энергия үнемдеуші технологияларды енгізу — электр энергиясын пайдалану тиімділігін арттыру және электр желілеріндегі шығындарды азайту.

БІТІРГЕННЕН КЕЙІН КІМ БОЛЫП ЖҰМЫС ІСТЕЙДІ (НЕМЕСЕ СІЗ КІМ БОЛАСЫЗ)?

Түлектердің кәсіби қызмет аясы теміржол көлігі объектілерін, өнеркәсіптік кәсіпорындарды, қалалық электр желілерін және энергетикалық ұйымдарды сенімді әрі қауіпсіз электрмен жабдықтауды қамтамасыз етуге бағытталған.

Түлектер «ҚТЖ» ҰК» АҚ филиалдарында, электрмен жабдықтау аралықтарында (дистанцияларында), «KEGOC» АҚ, «АЖК» АҚ, «Алматы метро құрылыс» ТШО-да, сондай-ақ әртүрлі өнеркәсіп салаларындағы кәсіпорындарда өздерінің кәсіби қызметін жүзеге асыра алады.

Университетті бітіргеннен кейін түлектер келесі лауазымдарды атқара алады:

• Энергодиспетчер
• Жедел-диспетчерлік басқару қызметінің маманы
• Тарту (тяга) және электр қосалқы станциясының электромеханигі
• Электрмен жабдықтау аймағының электромеханигі
• Жөндеу-тексеру учаскесінің электромеханигі
• Контактілі желі электромонтері
• Электр жабдықтарын пайдалану және оларға қызмет көрсету жөніндегі инженер

ҚАЙДА ЖҰМЫС ІСТЕЙДІ?

Кәсіби қызмет аясы теміржол нысандары мен өнеркәсіптік кәсіпорындардың электр энергиясын өндіру, тасымалдау, бөлу және тұтыну үдерістеріне қажетті жағдайларды жасауға бағытталған.

Негізгі жұмысқа орналасу орындары:

• «ҚТЖ» ҰК» АҚ филиалдары мен электрмен жабдықтау аралықтары
• «KEGOC» АҚ (Қазақстанның электр желілерін басқару жөніндегі ұлттық компаниясы)
• «АЖК» АҚ («Алатау Жарық Компаниясы»)
• «Алматы метро құрылыс» компаниясы
• Түрлі өнеркәсіп салаларындағы кәсіпорындардың электрмен жабдықтау бөлімдері

ҚАЗАҚСТАНДАҒЫ ОРТАША ЖАЛАҚЫ

Электроэнергетика — экономиканың негізгі тірек салаларының бірі, сондықтан білікті мамандарға сұраныс әрқашан жоғары.

• Мансаптың бастапқы кезеңінде: 250 000-нан 400 000 тг-ге дейін.
• 2–5 жылдық тәжірибесі бар маман: 500 000-нан 900 000 тг-ге дейін.
• Бас инженер, бөлімше басшысы: 1 000 000 тг. және одан жоғары.

ЖҰМЫСҚА ОРНАЛАСУҒА АРНАЛҒАН ҚАЗАҚСТАННЫҢ ТОП-10 КОМПАНИЯСЫ

1. «ҚТЖ» ҰК» АҚ — «Қазақстан темір жолы» ұлттық компаниясы» акционерлік қоғамы.
2. «KEGOC» АҚ — Kazakhstan Electricity Grid Operating Company, Қазақстанның электр желілерін басқару жөніндегі ұлттық операторы.
3. «АЖК» АҚ — «Алатау Жарық Компаниясы» акционерлік қоғамы.
4. «АлЭС» АҚ — «Алматы электр станциялары» акционерлік қоғамы.
5. «Самұрық-Энерго» АҚ — Қазақстан Республикасының энергетикалық холдингі.
6. «Samruk-Green Energy» ЖШС — жаңартылатын энергия көздері саласындағы компания.
7. «АлматыЭнергоСбыт» ЖШС — Алматы қаласы мен Алматы облысының энергиямен жабдықтаушы компаниясы.
8. «Alageum Electric» ЖШС — трансформаторлар мен электр жабдықтарын өндірумен айналысатын электротехникалық компания.
9. «Siemens Kazakhstan» ЖШС — автоматика, энергетика және цифрлық технологиялар саласындағы компания.
10. «ABB Kazakhstan» ЖШС — электротехникалық жабдықтар, автоматтандыру және энергетикалық шешімдер саласындағы компания.

НЕГЕ ALT УНИВЕРСИТЕТІ?

Біз заманауи энергетикалық объектілерде жұмыс істеуге және нақты өндірістік міндеттерді шешуге қабілетті мамандарды даярлаймыз. Студенттер тек іргелі білім алып қана қоймай, энергетикалық жабдықтармен және цифрлық технологиялармен жұмыс істеудің практикалық дағдыларын меңгереді.

Электроэнергетика — қалаларды, кәсіпорындарды және көлік инфрақұрылымын сенімді электрмен қамтамасыз ететін мамандық. Энергияны басқаратын және болашақтың негізін қалайтын маман бол!

БҰЛ ҚАНДАЙ МАМАНДЫҚ?

IT-энергетика — бұл энергетика мен ақпараттық технологиялар тоғысындағы заманауи мамандық. Осы саланың мамандары энергетикалық объектілерді цифрландырумен, процестерді автоматтандырумен, деректерді талдаумен және интеллектуалды басқару жүйелерін енгізумен айналысады.

ALT Университетінде біз келесі міндеттерді атқара алатын жаңа буын инженерлерін даярлаймыз:

1. Цифрлық энергетикалық жүйелерді басқару және жабдықтардың жұмысын бақылау.
2. Электр станцияларында, қосалқы станцияларда және өнеркәсіптік нысандарда автоматтандырылған басқару жүйелерін енгізу.
3. Датчиктермен, контроллерлермен, бағдарламалық жасақтамамен және мониторинг жүйелерімен жұмыс істеу.
4. Энергия тұтыну деректерін талдау және энергетикалық объектілердің жұмыс тиімділігін арттыру.

БІТІРГЕННЕН КЕЙІН КІМ БОЛЫП ЖҰМЫС ІСТЕЙДІ (НЕМЕСЕ СІЗ КІМ БОЛАСЫЗ)?

«IT-энергетика» ББ түлектерінің кәсіби қызметі энергетикалық объектілерді цифрландыруға, технологиялық процестерді автоматтандыруға, интеллектуалды басқару жүйелерін енгізуге, энергия тұтынуды мониторингілеуге және энергетикалық инфрақұрылымның жұмыс тиімділігін арттыруға бағытталған.

Түлектер цифрлық энергетика және автоматтандыру саласымен байланысты компанияларда, соның ішінде «KEGOC» АҚ, «Самұрық-Энерго» АҚ, «АЖК» АҚ, «АлЭС» АҚ, «Samruk-Green Energy» ЖШС, «Alageum Electric» ЖШС, «Siemens Kazakhstan» ЖШС, «ABB Kazakhstan» ЖШС, «Schneider Electric Kazakhstan» ЖШС-де, сондай-эне энергетикалық және өнеркәсіптік кәсіпорындардың IT-бөлімдерінде жұмыс істей алады.

Университетті бітіргеннен кейін түлектер келесі лауазымдарды атқара алады:

• ТП АБЖ (Технологиялық процестерді автоматтандырылған басқару жүйесі) инженері
• Энергетикалық объектілерді цифрландыру жөніндегі маман
• Автоматтандыру жөніндегі инженер
• Энергия тұтынуды мониторингілеу және талдау жөніндегі маман
• Цифрлық басқару жүйелеріне қызмет көрсету жөніндегі инженер
• Энергетика саласындағы IT-маман

ҚАЙДА ЖҰМЫС ІСТЕЙДІ?

«Энергетикадағы IT» білім беру бағдарламасы түлектерінің кәсіби қызмет аясы энергетикалық объектілерде, теміржол инфрақұрылымында және өнеркәсіптік кәсіпорындарда цифрлық технологияларды, автоматтандырылған басқару, мониторинг және деректерді талдау жүйелерін енгізуге, пайдалануға және сүйемелдеуге бағытталған.

Кәсіби қызмет объектілері:

• «ҚТЖ» ҰК» АҚ филиалдары мен электрмен жабдықтау аралықтары (дистанциялары)
• «KEGOC» АҚ және «Алатау Жарық Компаниясы» АҚ
• «АлЭС» АҚ және «АлматыЭнергоСбыт» ЖШС
• «Самұрық-Энерго» АҚ және «Alageum Electric» ЖШС
• «Қазақтелеком» АҚ және «Транстелеком» АҚ
• Түрлі өнеркәсіп салаларындағы кәсіпорындардың IT-бөлімдері мен автоматтандыру қызметтері

Атқара алатын лауазымдары:

Энергетикадағы IT-маман, автоматтандыру жөніндегі инженер, SCADA жүйелері жөніндегі маман, энергетикалық объектілерді цифрлық мониторингілеу жөніндегі инженер, жедел-диспетчерлік басқару қызметінің маманы, жүйелік әкімші, энергетикалық деректерді өңдеу жөніндегі маман, цифрлық шешімдерді енгізу жөніндегі инженер, ақпараттық жүйелерді пайдалану жөніндегі маман.

ҚАЗАҚСТАНДАҒЫ ОРТАША ЖАЛАҚЫ

Электроэнергетика — экономиканың негізгі тірек салаларының бірі, сондықтан білікті мамандарға сұраныс әрқашан жоғары.

• Мансаптың бастапқы кезеңінде: 250 000-нан 450 000 тг-ге дейін.
• 2–5 жылдық тәжірибесі бар маман: 500 000-нан 900 000 тг-ге дейін.
• Бас инженер, бөлімше басшысы: 1 000 000 тг. және одан жоғары.

ЖҰМЫСҚА ОРНАЛАСУҒА АРНАЛҒАН ҚАЗАҚСТАННЫҢ ТОП-10 КОМПАНИЯСЫ

1. «KEGOC» АҚ — магистральдық электр желілерін цифрлық басқару
2. «Самұрық-Энерго» АҚ — энергетикалық холдингтегі IT және автоматтандыру
3. «АЖК» АҚ — таратушы электр желілерін цифрландыру
4. «АлЭС» АҚ — электр станцияларын автоматтандыру және IT-жүйелері
5. «ҚТЖ» ҰК» АҚ — теміржолды электрмен жабдықтаудың IT-жүйелері
6. «Казэнергокабель» ЖШС — кабельдік өнімдер, энергетикалық инфрақұрылым және электр желілеріне арналған техникалық шешімдер
7. «Alageum Electric» ЖШС — электр жабдықтарын автоматтандыру және цифрлық шешімдер
8. «Siemens Kazakhstan» ЖШС — автоматтандыру, SCADA және өнеркәсіптік IT-жүйелері
9. «Schneider Electric Kazakhstan» ЖШС — цифрлық энергетика және басқару жүйелері
10. «Энергоинформ» ЖШС — энергетика саласындағы IT-жүйелер, цифрлық байланыс және автоматтандыру

НЕГЕ ALT УНИВЕРСИТЕТІ?

Біз заманауи энергетикалық объектілерде жұмыс істеуге, цифрлық шешімдерді енгізуге және нақты өндірістік міндеттерді шешуге қабілетті энергетикадағы IT мамандарын даярлаймыз. Студенттер энергетика, автоматтандыру және ақпараттық технологиялар саласында іргелі білім алып, энергетикалық жабдықтармен, SCADA жүйелерімен, цифрлық мониторингпен, электр энергиясын есепке алу және басқару жүйелерімен жұмыс істеудің практикалық дағдыларын меңгереді.

Энергетикадағы IT — бұл электроэнергетиканы, цифрлық технологияларды, автоматтандыруды және энергожүйелерді интеллектуалды басқаруды біріктіретін бағыт.
Энергетикаға заманауи IT-шешімдерді енгізетін, цифрлық жүйелерді басқаратын және болашақтың сенімді энергетикасын құруға қатысатын маман бол!

БҰЛ ҚАНДАЙ МАМАНДЫҚ?

«Электроэнергетикалық жүйелер мен кешендер» білім беру бағдарламасы электр энергиясын өндіру, тасымалдау, бөлу және оны тиімді пайдалану саласындағы мамандарды даярлауға бағытталған.

Электроэнергетика — қалаларды, өнеркәсіптік кәсіпорындарды, көлік инфрақұрылымы мен теміржол нысандарын электр қуатымен қамтамасыз ететін маңызды сала. Осы саланың мамандары энергетикалық жүйелер мен электр жабдықтарының сенімді, қауіпсіз және тиімді жұмыс істеуіне жауап береді.

ALT Университетінде біз келесі міндеттерді атқара алатын инженерлерді даярлаймыз:

1. Электрмен жабдықтау жүйелерін жобалау — өнеркәсіптік кәсіпорындар, қалалық нысандар мен теміржол инфрақұрылымы үшін заманауи шешімдер әзірлеу.
2. Энергетикалық нысандарды пайдалану — электр желілерін, қосалқы станцияларды, контактілі желілерді және электрмен жабдықтау жүйелерін басқару.
3. Электр жабдықтарына қызмет көрсету — трансформаторлармен, электр беру желілерімен, қорғаныс аппараттарымен, релелік қорғаныс және автоматика жүйелерімен жұмыс істеу.
4. Электрмен жабдықтау сенімділігін қамтамасыз ету — электр желілеріндегі шығындарды азайту және олардың жұмыс тиімділігін арттыру.
5. Заманауи энергия үнемдеуші технологияларды және электроэнергетикадағы жаңа инженерлік шешімдерді енгізу.

БІТІРГЕННЕН КЕЙІН КІМ БОЛЫП ЖҰМЫС ІСТЕЙДІ (НЕМЕСЕ СІЗ КІМ БОЛАСЫЗ)?

Түлектердің кәсіби қызмет аясы теміржол көлігі нысандарын, өнеркәсіптік кәсіпорындарды, қалалық электр желілерін және энергетикалық ұйымдарды сенімді, қауіпсіз және үздіксіз электрмен жабдықтауды қамтамасыз етуге бағытталған.

Түлектер «ҚТЖ» ҰК» АҚ филиалдары мен электрмен жабдықтау аралықтарында (дистанцияларында), «KEGOC» АҚ, «АЖК» АҚ, «АлЭС» АҚ, «Алматы метро құрылыс» компаниясында, «Самұрық-Энерго» АҚ-да, сондай-ақ түрлі өнеркәсіп салаларындағы кәсіпорындарда жұмыс істей алады.

Университетті бітіргеннен кейін түлектер келесі лауазымдарды атқара алады:

• Энергодиспетчер / Жедел-диспетчерлік басқару қызметінің маманы
• Инженер-электроэнергетик / Электрмен жабдықтау жөніндегі инженер
• Тарту (тяга) және электр қосалқы станциясының электромеханигі
• Электрмен жабдықтау аймағының электромеханигі
• Жөндеу-тексеру учаскесінің электромеханигі
• Релелік қорғаныс және автоматика жөніндегі маман
• Контактілі желі электромонтері
• Электр жабдықтарын пайдалану және оларға қызмет көрсету жөніндегі инженер

ҚАЙДА ЖҰМЫС ІСТЕЙДІ?

Кәсіби қызмет аясы теміржол көлігі, өнеркәсіптік кәсіпорындар, қалалық электр желілері және энергетикалық ұйымдар нысандарында электр энергиясын сенімді өндіру, тасымалдау, бөлу және тұтыну үшін қажетті жағдайларды жасауға бағытталған.

Негізгі жұмысқа орналасу орындары:

• «ҚТЖ» ҰК» АҚ филиалдары мен электрмен жабдықтау аралықтары
• «KEGOC» АҚ және «АЖК» АҚ
• «АлЭС» АҚ және «Самұрық-Энерго» АҚ
• «Алматы метро құрылыс» кәсіпорыны
• Түрлі өнеркәсіп салаларындағы кәсіпорындардың электрмен жабдықтау қызметтері мен бөлімдері

ҚАЗАҚСТАНДАҒЫ ОРТАША ЖАЛАҚЫ

Электроэнергетикалық жүйелер мен кешендер — экономиканың жетекші әрі маңызды салаларының бірі, сондықтан білікті мамандарға сұраныс әрқашан жоғары.

• Мансаптың бастапқы кезеңінде: 250 000-нан 400 000 тг-ге дейін.
• 2–5 жылдық тәжіпибесі бар маман: 500 000-нан 900 000 тг-ге дейін.
• Бас инженер, бөлімше басшысы: 1 000 000 тг. және одан жоғары.

ЖҰМЫСҚА ОРНАЛАСУҒА АРНАЛҒАН ҚАЗАҚСТАННЫҢ ТОП-10 КОМПАНИЯСЫ

1. «ҚТЖ» ҰК» АҚ — «Қазақстан темір жолы» ұлттық компаниясы» акционерлік қоғамы.
2. «KEGOC» АҚ — Қазақстанның электр желілерін басқару жөніндегі ұлттық операторы.
3. «АЖК» АҚ — «Алатау Жарық Компаниясы» акционерлік қоғамы.
4. «АлЭС» АҚ — «Алматы электр станциялары» акционерлік қоғамы.
5. «Самұрық-Энерго» АҚ — Қазақстан Республикасының энергетикалық холдингі.
6. «Samruk-Green Energy» ЖШС — жаңартылатын энергия көздері саласындағы компания.
7. «АлматыЭнергоСбыт» ЖШС — Алматы қаласы мен Алматы облысының энергиямен жабдықтаушы компаниясы.
8. «Alageum Electric» ЖШС — трансформаторлар мен электр жабдықтарын өндірумен айналысатын электротехникалық компания.
9. «Siemens Kazakhstan» ЖШС — автоматика, энергетика және цифрлық технологиялар саласындағы компания.
10. «ABB Kazakhstan» ЖШС — электротехникалық жабдықтар, автоматтандыру және энергетикалық шешімдер саласындағы компания.

НЕГЕ ALT УНИВЕРСИТЕТІ?

Біз заманауи энергетикалық нысандарда жұмыс істеуге және нақты өндірістік міндеттерді шешуге қабілетті мамандарды даярлаймыз. Студенттер тек іргелі теориялық білім алып қана қоймай, энергетикалық жабдықтармен және цифрлық технологиялармен жұмыс істеудің практикалық дағдыларын меңгереді.

Бұдан бөлек, бұл білім беру бағдарламасы қос дипломды білім алу мүмкіндігін қарастырады. Бұл студенттерге қосымша білім жинақтауға, кәсіби мүмкіндіктерін кеңейтуге және еңбек нарығындағы бәсекеге қабілеттілігін айтарлықтай арттыруға жол ашады.

Электроэнергетикалық жүйелер мен кешендер — электр станцияларының, электр желілерінің, қосалқы станциялардың, қалалардың, кәсіпорындар мен көлік инфрақұрылымының сенімді жұмысын қамтамасыз ететін мамандық.
Электроэнергетикалық жүйелерді басқаратын, үздіксіз электрмен жабдықтауды қамтамасыз ететін және болашақтың энергетикалық негізін қалайтын маман бол!