1.1 «Мұхаметжан Тынышбаев атындағы ALT Университеті» АҚ Президент-Ректор-Басқарма Төрағасының гранты (бұдан әрі – ПРЕЗИДЕНТ-РЕКТОР гранты) осы Ережеге сәйкес белгіленеді.

1.2 Осы Ереже тиісті қабылдау жылының үміткерлеріне қолданылады және мыналарға бағытталған:

1) Университет студенттерінің әртүрлі санаттарын әлеуметтік қорғау шараларының жүйесін енгізу;

2) ҰБТ-дан жоғары нәтиже көрсеткен, бірақ мемлекеттік грант конкурсынан өтпей қалған талапкерлерге қолдау көрсету.

3) М.Тынышпаев атындағы мектеп түлектеріне қолдау көрсету.

1.3 ПРЕЗИДЕНТ-РЕКТОР гранты – оқу пәндерінің оқу жоспарлары мен бағдарламаларында белгіленген мөлшерде таңдалған білім беру бағдарламасы бойынша оқуға төлеуге арналған Университет бюджетінен қаражаттың нысаналы сомасы. ПРЕЗИДЕНТ-РЕКТОР гранты қосымша және қайталанатын пәндер бойынша шығындарды және оқу пәндеріндегі айырмашылықтарды жоюды қамтымайды. ПРЕЗИДЕНТ-РЕКТОР гранты мерзімі 2.4, 2.6, 2.7 және 2.9 (келісімшартқа байланысты) тараудан басқасына – 1 жыл.

1.4 Ұлттық бірыңғай тестілеу (бұдан әрі – ҰБТ) сертификаттары бар және ҰБТ-ның жоғары нәтижелері 50 балдан кем емес, мемлекеттік грантқа конкурстан өтпеген Қазақстан Республикасының азаматтары ПРЕЗИДЕНТ-РЕКТОР  грантын алуға өтініш бере алады.

1.5 ПРЕЗИДЕНТ-РЕКТОР грант иегерлерінен басқа оқу орнына ауысқан кезде немесе ПРЕЗИДЕНТ-РЕКТОР гранты иегерлері әртүрлі себептермен Университеттен шығарылған кезде, Университет инфляция индексіне сәйкес ПРЕЗИДЕНТ-РЕКТОР грант иегерлерінен шығындарды қайтарып алу құқығын өзіне қалдырады.

1.6 ПРЕЗИДЕНТ-РЕКТОР грантының жалпы сомасы келесідей бөлінеді:

1) халықтың әлеуметтік осал топтарының өтініш берушілеріне қолдау көрсету – 4 бірлік;

2) ҰБТ нәтижесі жоғары бола тұра, мемлекеттік грантқа конкурстан өтпеген, 90 балдан кем емес үміткерлерді қолдау – 3 бірлік;

3) Университеттің 4 БББ тобын таңдай отырып, бейіндік пәндері физика-математика, ҰБТ нәтижесі 50 балдан кем емес мемлекеттік грантты тағайындау конкурсынан өтпеген, талапкерлерге қолдау көрсету – гранттар іс жүзінде ҚК отырысының хаттамасына сәйкес айқындалады;

4) «Мұхаметжан Тынышбаев атындағы ALT Университеті» АҚ-мен серіктестік шеңберінде келісімшарт жасасқан білім беру орталықтарына – 59 бірлік;

5) Республикалық пәндік олимпиадалардың нәтижелері бойынша;

6) ALT Университеті ұйымдастыруымен өткен пәндік олимпиадалардың нәтижелері бойынша – 20 бірлік;

7) «Алтын белгі» төсбелгісінің иегерлеріне;

8) төмендегі мектеп түлектеріне:

• Жетісу облысы, Сарқанд ауданы, Қарғалы ауылында орналасқан М.Тынышпаев атындағы мектеп – 1 бірлік;
• Түркістан облысы, Арыс қаласы, Екпінді (Қызыл көпір) ауылында орналасқан М.Тынышпаев атындағы мектеп – 1 бірлік;

9) міндетті әскери қызметті өткерген азаматтарға.