«MFC ALT» – университет білім алушыларының дене шынықтырумен және спортпен жүйелі түрде айналысуына, футбол спортын дамытуға және салауатты өмір салтын қалыптастыруға бағытталған студенттік спорттық клуб.

Мақсаты

Студенттердің дене дайындығын арттыру, футбол спортына қызығушылығын дамыту және университет намысын қорғайтын бәсекеге қабілетті команда қалыптастыру.

Міндеттері

• Университет студенттері арасында футболды насихаттау;
• Командалық рух пен спорттық мәдениетті қалыптастыру;
• Жаттығу үдерісін жүйелі ұйымдастыру;
• Университетішілік және қалалық турнирлерге қатысу;
• Студенттердің салауатты өмір салтын ұстануына ықпал ету;
• Спорт арқылы тәртіп, жауапкершілік және көшбасшылық қасиеттерді дамыту.

Қызметінің негізгі бағыттары

• Тұрақты оқу-жаттығу жиындарын өткізу;
• Іріктеу матчтары мен жолдастық кездесулер ұйымдастыру;
• Университет чемпионаттарын өткізу;
• Қалалық және республикалық жарыстарға қатысу;
• Спорттық-сауықтыру іс-шараларын ұйымдастыру;
• Спорттық волонтерлік және жанкүйерлік мәдениетті дамыту.

Клуб мүшелерінің құқықтары мен міндеттері

Құқықтары:

• Клуб құрамында жаттығуға және жарыстарға қатысуға;
• Команда атынан университет намысын қорғауға;
• Ұсыныстар енгізуге;
• Спорттық инфрақұрылымды пайдалануға.

Міндеттері:

• Клуб жарғысын сақтау;
• Жаттығуларға тұрақты қатысу;
• Спорттық этиканы сақтау;
• Университеттің ішкі тәртіп ережелерін сақтау;
• Командалық тәртіп пен бірлікті қолдау.

Тұрақты даму мақсаттарымен (ТДМ) сабақтастығы

«MFC ALT» клубының қызметі Тұрақты даму мақсаттарымен үндеседі:

ТДМ 3 – Сапалы денсаулық және әл-ауқат: салауатты өмір салтын насихаттау және дене белсенділігін арттыру;

ТДМ 4 – Сапалы білім: спорт арқылы тұлғалық және көшбасшылық қабілеттерді дамыту;

ТДМ 10 – Теңсіздікті азайту: барлық студенттер үшін қолжетімді спорттық орта қалыптастыру;

ТДМ 16 – Бейбітшілік, әділдік және тиімді институттар: спорттық мәдениет, әділ ойын және тәртіп қағидаттарын қалыптастыру;

ТДМ 17 – Серіктестік арқылы мақсаттарға жету: спорт ұйымдарымен және серіктестермен ынтымақтастық орнату.