«АКҚ және ӨТҚ» кафедрасы ұйымдастыруымен бүгін «Алматы қаласындағы қар еріту полигондары – мегаполистер үшін экологиялық шешім» тақырыбында семинар өтті.
Семинарда 7М11203 – Өміртіршілік қауіпсіздігі және қоршаған ортаны қорғау білім беру бағдарламасының 1-курс магистранты Адаева Ульяна (ассистент-профессор Бимагамбетова Л.Н. ғылыми жетекшілігімен) баяндама жасап, қар еріту полигондарының заманауи мегаполистер үшін маңыздылығы туралы кеңінен баяндады.
Семинар тақырыбы өзекті, себебі биыл Алматыда алғашқы қар еріту полигоны ашылды. Бұл жоба мегаполистегі қар тазалау жүйесін экологияландыруға жасалған маңызды қадам болып табылады. Қарды еріту технологиясының арқасында қоршаған ортаға түсетін жүктеме айтарлықтай азаяды, қарды шығару көлемі төмендейді, сондай-ақ жанармай мен уақыт үнемделеді.
Семинар барысында қатысушылар осындай нысандардың даму перспективаларын, олардың экологиялық және экономикалық әсерлерін, сондай-ақ оларды жетілдіру шараларын талқылады. Мұндай шешімдер қалалық инфрақұрылымның табиғатқа теріс әсерін азайтуға бағытталған Тұрақты даму қағидаттарына толық сәйкес келеді.
Қалалық ортаны экологияландыру – Алматы дамуының басты бағыттарының бірі, ал қар еріту полигондарының енгізілуі мегаполистердің климаттық өзгерістерге бейімделіп, экологиялық тепе-теңдікті сақтай алатынының жарқын үлгісі.
