Үстіміздегі жылдың мамыр айының 16 жұлдызында Алматы қаласындағы М. Тынышпаев атындағы ALT Университетінде Малайзия мемлекетінің Жол құрлысы ассоциациясы өкілдерімен кездесу өтті. Екі елдің жол саласының мамандары бас қосқан жиында, автомобиль жолдарының проблемаларын шешу жолдарындағы басты сұрақтар талқыланды. Семинар барысында жол саласының құрлыс материалдарының мәселелері туралы бірнеше баяндамалар тыңдалды. Кездесу барысында Малайзия елінен келген мамандар Үлкен Алматы айналма жолының (БАКАД) пайдалану орталығымен танысты.
