ALT Университетінің студенттері Алматы қаласында өткен «Қазақстанның дрондар чемпионатының» облыстық кезеңіне қатысты. Іс-шара Қазақстан Республикасы Оқу-ағарту министрлігінің Республикалық оқу-әдістемелік орталығы мен «Aspandrone» қоғамдық бірлестігінің ынтымақтастығы аясында, бас серіктес — «Dronly» жеке компаниясының қолдауымен ұйымдастырылды.
«Автоматизация және басқару» мамандығында оқитын 4-курс студенттері Simulator DCL (Senior) санатында үздік нәтижелерге қол жеткізді:
-
Айвар Жанзаков – 2-орын;
-
Игорь Пикалов – 4-орын.
Чемпионат қатысушыларға дрондарды басқарудағы өз шеберліктерін көрсетуге, кәсіби симуляторларды сынап көруге және басқа оқу орындары мен техникалық қоғамдастықтардың өкілдерімен тәжірибе алмасуға мүмкіндік берді.
ALT Университеті өз студенттерінің табыстарымен мақтанады және жастардың техникалық дағдыларын, инженерлік ойлау қабілеті мен цифрлық құзыреттілігін дамытуға бағытталған бастамаларды қолдайды. Мұндай жарыстарға қатысу студенттерімізге заманауи сын-қатерлерге дайын болуға және болашақтың бәсекеге қабілетті маманы атануға көмектеседі.
