2026 жылғы 23 ақпан мен 6 наурыз аралығында «Жалпы инженерия» кафедрасының профессор-оқытушылар құрамы теория мен практикалық тренингтерді ұштастырған кешенді біліктілікті арттыру бағдарламасынан өтті. Оқыту Қазақ ұлттық қыздар педагогикалық университеті базасында «Инклюзивті оқыту жағдайында ерекше білім беру қажеттіліктері бар білім алушыларды психологиялық-педагогикалық сүйемелдеу» бағдарламасы бойынша жүргізілді.
Білім беру бағдарламасы екі кезеңді қамтыды:
-
Қашықтықтан оқыту курсы (72 сағат): инклюзивті оқытудың психологиялық-педагогикалық аспектілерін зерделеу.
-
Тәжірибелік тренинг: ерекше студенттердің қажеттіліктеріне сәйкес оқу жоспарларын бейімдеу және өзара іс-қимыл әдістемелерін пысықтау.
Оқытудың басты мақсаты — білім беру процесін инклюзия стандарттарына сай трансформациялау. Бұл бастама ТДМ 4 (Сапалы білім беру) және ТДМ 10 (Теңсіздікті азайту) мақсаттарын іске асыруға бағытталған. Курсты сәтті аяқтау — университетте барлық студенттер үшін тең мүмкіндіктер мен инклюзивті орта қалыптастыру жолындағы маңызды қадам.
