2026 жылғы 03 ақпанда «Көлік логистикасы» пәні аясында ТЛ-23-3р тобы үшін логистика саласының шақырылған сарапшысы қатысқан практикалық сабақ өтті.
«СДЭК Орталық Азия» компаниясының логисі Булат Агзамов жүк тиеу-түсіру жұмыстарын кешенді механикаландыру және автоматтандыру мәселелері бойынша кәсіби талдау ұсынып, оларды жобалаудың негізгі қағидаларын және қауіпсіздік талаптарын түсіндірді.
Сабақ барысында логистикалық оператордың практикасынан алынған нақты кейстер негізінде мамандандырылған жабдық пен бағдарламалық шешімдерді біріктіретін интеграцияланған жүйелерді құру қағидалары қарастырылды. Еңбек қауіпсіздігін қамтамасыз ету, персоналды оқыту жүйелері және логистикалық процестердің тиімділігін есептеу әдістемелеріне ерекше назар аударылды.
Аталған практикалық сабақ білім алушылардың қазіргі заманғы жоғары технологиялық логистикалық процестерді ұйымдастыру жөніндегі кәсіби құзыреттері мен практикалық дағдыларын қалыптастыруға ықпал етті, сондай-ақ Қазақстан Республикасының Тұрақты даму мақсаттарын, атап айтқанда ТДМ 4 «Сапалы білім», ТДМ 8 «Лайықты еңбек және экономикалық өсу», ТДМ 9 «Индустрияландыру, инновациялар және инфрақұрылым» және ТДМ 12 «Жауапты тұтыну және өндіріс» мақсаттарын іске асыруға үлес қосты.
