2026 жылғы 21 мамырда Қытай Халық Республикасының Нинбо қаласында «Жібек жолындағы жаңа мүмкіндіктер: Қазақстан» атты экономикалық, сауда және құқықтық ынтымақтастық іс-шарасы өтті. Іс-шараны Қытайдың Халықаралық сауданы дамыту комитетінің Нинбо бөлімшесі (CCPIT Ningbo) ұйымдастырды.
Іс-шараға қолдаушы ұйым ретінде Мұхамеджан Тынышпаев атындағы ALT Университеті қатысты. Университет Қытай офисінің серіктесі Лу Ичжэнь тарапынан таныстырылды.
Өз сөзінде Сайтов Сахнин Қазақстан мен Қытай университеттері мен кәсіпорындары арасындағы кадр даярлау және білім беру бастамалары саласындағы ынтымақтастықты кеңейтудің маңыздылығын атап өтті.
Лу Ичжэнь Мұхамеджан Тынышпаев атындағы ALT Университетінің білім беру және ғылыми әлеуетін таныстырды. Ол университеттің Қазақстандағы жетекші инженерлік жоғары оқу орындарының бірі екенін және көлік инфрақұрылымы, логистика, интеллектуалды өндіріс бағыттары бойынша халықаралық ынтымақтастықты белсенді дамытып келе жатқанын атап өтті.
Университеттің Қытай офисінің қызметіне ерекше назар аударылды. Офис академиялық алмасуларды, жоғары оқу орындары арасындағы ынтымақтастық келісімдерін, ғылыми-зерттеу жобаларын және бірлескен білім беру бағдарламаларын үйлестіреді.
Қорытындылай келе, Мұхамеджан Тынышпаев атындағы ALT Университеті халықаралық білім және ғылым саласындағы ынтымақтастықты одан әрі кеңейтіп, сұранысқа ие мамандар даярлауға үлес қосып, Қазақстан мен Қытайдың білім беру ұйымдары арасындағы байланысты нығайтуды жалғастыратыны атап өтілді.
