2026 жылғы 19 қыркүйекте ALT University базасында UniDem білім беру орталығының оқушылары мен ата-аналарына арналған кәсіби бағдарлау кампус-туры өтті. Мұндай кездесу университетпен іштей танысуға, білім беру бағдарламалары туралы көбірек білуге және оқуға түсу мен студенттік өмірге қатысты сұрақтарға жауап алуға мүмкіндік берді.
Кампус-тур аясында мектеп оқушылары мен олардың ата-аналары ALT University оқу корпустарын, мамандандырылған аудиториялар мен зертханаларды аралады. Қатысушылар сабақтардың қандай жағдайда өтетінін өз көздерімен көріп, университет инфрақұрылымымен танысты және оқу процесінде қолданылатын заманауи технологиялар туралы білді.
Кездесу барысында ALT University білім беру бағдарламаларына және студенттердің кәсіби даму мүмкіндіктеріне ерекше назар аударылды. Университет өкілдері дайындық бағыттары, оқуға түсу шарттары, гранттар алу мүмкіндіктері және әрі қарай білім алу перспективалары туралы айтып берді.
Сондай-ақ мектеп оқушылары студенттік өмір, халықаралық ынтымақтастық және академикалық ұтқырлық бағдарламалары туралы көбірек білді. ALT University-дің серіктес компаниялармен өзара іс-қимылы және еңбек нарығының өзекті талаптарына сәйкес студенттерді практикaлық даярлау мүмкіндіктері бөлек тақырып ретінде сөз болды.
Кампус-турдың жеке бір бөлігі ата-аналар үшін ұйымдастырылды. Ашық консультация форматында олар оқуға түсу шарттары, оқу құны, гранттық қолдау және оқу процесін ұйымдастыру туралы сұрақтарын қоя алды.
Кездесудің мұндай форматы ата-аналарға балаларының әрі қарайғы білім беру бағытын таңдау туралы шешім қабылдауға қажетті толық әрі өзекті ақпаратты алуға мүмкіндік береді.
Кәсіби бағдарлау кампус-турлары болашақ талапкерлерге университет туралы ақпарат алып қана қоймай, оның атмосферасын сезінуге, білім беру ортасын көруге және өзін студент рөлінде елестетуге көмектеседі.
ALT University білім беру ұйымдарымен серіктестікті дамытуды және болашақ талапкерлерге кәсіби болашаққа сенімді қадам жасауға көмектесетін мүмкіндіктер жасауды жалғастырады.
Автор: Алия Ерлан
