2025 жылдың 24 қарашасында «Жалпы инженерия» кафедрасының ALT қауымдастырылған профессоры К.К. Нурахметова «Құрылыс физикасы» пәні бойынша «Ашық онлайн курсын құрудың ерекшеліктері» тақырыбында семинар өтті. Іс-шара білім беру саласындағы оқытушылар мен мамандардың қатысуымен ұйымдастырылды.
Семинардың негізгі мақсаты – заманауи білім беру технологияларын пайдалана отырып, «Құрылыс физикасы» пәні бойынша сапалы онлайн курс әзірлеудің әдістемесін талқылау және тәжірибе алмасу.
Семинар барысында келесі тақырыптар қарастырылды:
- Онлайн курстың мазмұн құрылымы мен модульдік жүйесі;
- Интерактивті оқыту құралдарын қолдану;
- Видео дәрістер мен визуалды материалдарды тиімді пайдалану;
- Білім алушылардың жетістіктерін бағалау жүйесі;
- Ашық онлайн платформалармен жұмыс істеу тәжірибесі.
Семинарға қатысушылар өз тәжірибелерімен бөлісіп, ашық онлайн курстарды құруда кездесетін өзекті мәселелер мен оларды шешу жолдары жөнінде пікір алмасты.
