Ағымдағы жылдың 17 наурызында сағат 14:30-да академияның акт залында Академиялық және тәрбие мәселелері жөніндегі проректордың «Автоматтандыру және телекоммуникациялар» институтының студенттерімен дәстүрлі кездесуі өтті. Кездесуге «Автоматтандыру және телекоммуникациялар» институтының директоры А.Ж. Тойгожинова, Жастар саясаты және маркетинг Департаментінің директоры
Д.М. Имангалиев қатысты. Кездесудің мақсаты белсенді өмірлік ұстанымды тәрбиелеу, студенттерді мәдени-адамгершілікке тәрбиелеу және студенттерді оқыту үшін қолайлы жағдай жасау болып табылады.
Академиялық және тәрбие мәселелері жөніндегі проректор
Б.Т. Бахтияр студенттерге «Академиялық саясат» ішкі нормативтік құжаты бар екенін еске сала отырып, академия студенттерінің Platonus, Outlook.office.com (корпоративтік пошта) білім беру платформаларына қолжетімді екенін айтты. Туындаған мәселелерді үздіксіз және уақтылы шешуді қамтамасыз ету үшін білім алушылардан түскен барлық өтініштер Академия ұсынған корпоративтік пошта арқылы тиісті дирекцияларға және басқа құрылымдық бөлімшелерге қабылданады, білім алушының жеке поштасы арқылы және басқа да есепке алу жазбаларынан өтініштердің өзге түрлері жойылады және спамға түседі.
Жастар саясаты және маркетинг департаментінің директоры
Д.М. Иманғалиев Студенттер үйлеріне қатысты барлық тұрмыстық сұрақтарға жауап беріп, студенттерден оқу корпусы мен Студенттер үйлерінің мүлкіне ұқыпты қарауды сұрады. Әсіресе жігіттерден бөлмелердегі тәртіпті сақтауды сұрады.
Кездесу барысында Академияның ішкі өміріне байланысты түрлі мәселелер талқыланды. Студенттер оқу ісіндегі өзекті мәселелерді талқылап, толғандыратын сұрақтарын қою мүмкіндігіне ие болды. Мұндай кездесулерге студенттер үлкен қызығушылық танытады, жалпы Академия өмірі туралы ашық диалогқа дайын.
