ALT University-де Қазақстанның жетекші құрылыс компанияларының бірі — BI Group өкілдерімен кездесу өтті. Сапар аясында қонақтар компаниядағы мансаптық мүмкіндіктер мен кәсіби даму жолдарына арналған дәріс өткізді.
Кездесуге «Өнеркәсіптік және азаматтық құрылыс» және «Электр энергетикасы» білім беру бағдарламаларының студенттері қатысты. BI Group өкілдері компания қызметінің негізгі бағыттары, іске асырылып жатқан жобалар, корпоративтік мәдениет, сондай-ақ құрылыс және энергетика салаларындағы жас мамандарға қойылатын талаптар туралы әңгімеледі.
Тағылымдамадан өту, жас мамандарды дамыту бағдарламаларына қатысу және одан әрі жұмысқа орналасу мүмкіндіктеріне ерекше назар аударылды. Студенттер заманауи құрылыс индустриясында қандай білім мен құзыреттер сұранысқа ие екенін, кәсіби қызметті бастауға қалай дайындалу керектігін және ірі компанияда табысты мансап құру жолдарын білді.
Кездесу барысында студенттер өздерін қызықтырған сұрақтарын қойып, тәжірибелік ұсыныстар алды және BI Group компаниясындағы жұмыс перспективаларымен танысты.
Осындай қонақ дәрістер студенттердің кәсіби ой-өрісін кеңейтіп, еңбек нарығында дұрыс бағдарлануына және болашақ мансаптық даму бағыттарын айқындауына ықпал етеді.
Автор: Абдикаликова Л. Б.
