2026 жылғы 29 қаңтарда Тұрақты даму мақсаттарының 3-бағыты — «Барлық жастағы адамдар үшін салауатты өмір салтын қамтамасыз ету және әл-ауқатты арттыру» аясында Университет пен «NurLab Medical Clinic» арасында ынтымақтастық жүзеге асырылды. Клиникалық психолог Д.К. Қабікен ерекше білім беру қажеттіліктері бар (ЕБҚ) студенттерге арналған тұлғалық даму бойынша топтық тренинг өткізді.
Іс-шара аясында «Мен сендеймін, сен мендейсің!» тақырыбында топтық тренингтер ұйымдастырылып, олардың мақсаты — ЕБҚ бар студенттерге деген оң, құрметке негізделген және қабылдаушы көзқарасты қалыптастыру, өзара түсіністік пен қолдауды дамыту болды.
Тренинг «Біргеміз – күштіміз» инклюзивті даму сессиясы форматында өтті. Қатысушылар:
-
әртүрліліктің құндылығын түсінді;
-
қарым-қатынас дағдыларын нығайтты;
-
білім беру ортасында қолдау мен қабылдауды сезінді.
Мұндай іс-шаралар студенттердің психикалық денсаулығын нығайтуға және теңдік пен инклюзия мәдениетін қалыптастыруға ықпал етеді.
