Тұрақты даму мақсаттарын, атап айтқанда ТДМ 7 «Қолжетімді және таза энергияны» іске асыру аясында «Баламалы энергия көздері» пәні бойынша оқу сабақтары өткізілді. Сабақтар жаңартылатын энергия көздеріне (ЖЭК) арналған арнайы жабдықтармен жабдықталған жаңа заманауи зертханалық аудиторияда өтті.
Зертханада күн электр станцияларының жұмыс істеу қағидаларын, соның ішінде энергияны түрлендіру мен жинақтауды тәжірибе жүзінде зерттеуге мүмкіндік беретін оқу стендтері орнатылған. Теория мен практиканы ұштастыруға ерекше көңіл бөлінеді: ғимарат төбесіндегі фотоэлектрлік панельдер мен аудиториядағы аккумулятор жүйесі білім алушыларға энергия өндіруден бастап оны пайдалануға дейінгі толық циклді бақылауға жағдай жасайды.
Сонымен қатар, зертхана жел генераторы стендімен және күн энергетикасын зерттеуге арналған қосымша қондырғылармен жабдықталған. Мұндай техникалық база студенттердің практикалық дағдыларын қалыптастыруға және таза энергетика саласындағы заманауи технологияларды терең меңгеруіне ықпал етеді.
