«ЭКЗ Сервис» ЖШС («Alstom Қазақстан» ЖШС) инженер-технологы, индустрияландыру жөніндегі жоба менеджері Дархан Бауыржанұлы Шертаев ИПС-24-1,2 топтарының студенттеріне арнап «KZ8A/KZ4AT электровоздарының күйін бақылаудың автоматтандырылған жүйесінің жұмыс сенімділігі» тақырыбында дәріс өткізді.
Дәріс барысында қауіпсіз көлікті дамыту (ТДМ 11) және өнеркәсіптік базаны инновациялық жаңарту (ТДМ 9) мәселелері талқыланды. Негізгі назар келесі бағыттарға аударылды:
-
Қауіпсіздік және мониторинг: басқару мен диагностиканың кешенді микропроцессорлық жүйелерін енгізу.
-
Технологиялық даму: локомотив паркін пайдалану тиімділігін арттыратын «Борт» немесе автожүргізу сияқты зияткерлік жүйелерді қолдану.
-
Инфрақұрылымның тұрақтылығы: бақылауды автоматтандыру апаттық қатерлерді азайтады және сервистік қызмет көрсету шығындарын оңтайландырады.
Тасымал сенімділігі цифрландырудан басталады. Электровоздардың күйін бақылаудың автоматтандырылған жүйесі — бұл нақты уақыт режимінде тораптарды бақылауға, ақауларды болжауға және экологиялық тиімділікті арттыруға мүмкіндік беретін заманауи шешім.
