31.03.2026 жылы Біріккен Ұлттар Ұйымы (United Nations) әзірлеген Тұрақты даму мақсаттарына (ТДМ) арналған бірінші курс студенттері арасында ағылшын тіліндегі жобаларды қорғау өткізілді. Бұл іс-шара студенттердің жаһандық мәселелерді түсінуін дамытуға және оларды шешу жолдарын іздеуге бағытталған.
Қорғау барысында студенттер «Life in the future. My vision of 21st century» тақырыбы бойынша таза энергияның, тұрақты қалалардың және жауапты тұтынудың өзекті мәселелерін көтерді. Әрбір студент визуалды материал жасап қана қоймай, сонымен қатар күнделікті өмірде ТДМ-ны іске асыру үшін практикалық идеяларды ұсына отырып, өз жұмысын дәлелді түрде қорғады.
Іс-шара сыни тұрғыдан ойлау, көпшілік алдында сөйлеу және топтық жұмыс дағдыларын дамытуға ықпал етті. Постерлерді қорғау білім алушыларды әлеуметтік жауапкершілікке тартудың тиімді нысаны болды. Іс-шараны өткізуге «Language Education» кафедрасының сеньор-лекторы М. М. Шайжанова жауапты болды.
