4-курс студенттері, 6В11333 – «Цифрлық логистика» білім беру бағдарламасы аясында, «Қоймалық басқарудағы ақпараттық жүйелер» пәні бойынша «Қоймаларда қолданылатын техникалық құралдардың түрлеріне сипаттама» тақырыбында зертханалық жұмыс орындады.
Зертханалық жұмысты «Көлік қызметтері және бизнес» кафедрасының оқытушысы, қауымдастырылған профессор Кенжебаева Г.Ж. өткізді. Жұмыстың мақсаты — болашақ мамандардың қоймалық техниканың құрылымын тек теориялық тұрғыда ғана емес, оның бірыңғай цифрлық экожүйедегі рөлін кешенді түрде түсінуін қалыптастыру болды.
Оқу үдерісі техникалық құралдарды жіктеу логикасын терең меңгеруден басталды. Бұл ретте студенттер жабдықтарды тек функционалдық белгілері бойынша (сақтау, тасымалдау, жинақтау) ғана емес, сонымен қатар цифрлық логист үшін аса маңызды параметр — олардың «интеллектуалдылық» деңгейі мен деректермен өзара әрекеттесу қабілеті тұрғысынан талдады.
Студенттер заманауи тиегіштің тек жүктерді жылжыту құралы ғана емес, қоймадағы Заттар интернетінің (IoT) маңызды элементі екенін, яғни деректерді жинау, операцияларды мониторингтеу және басқару ақпараттық жүйелерімен интеграцияны қамтамасыз ететінін меңгерді.
Нәтижесінде білім алушылар цифрлық логистке тән негізгі құзыреттілікті —
«жүйеден берілген команда → физикалық әрекет → кері байланыс және деректер»
сияқты үздіксіз үдерісті көру, жобалау және оңтайландыру қабілетін қалыптастырды. Бұл үдеріс XXI ғасырдағы тиімді, дәл және бәсекеге қабілетті логистиканың негізі болып табылады.
Аталған зертханалық жұмысты өткізу Қазақстан Республикасының Тұрақты даму мақсаттарын (ТДМ) іске асырумен тікелей байланысты, атап айтқанда:
- ТДМ 4 — Сапалы білім, тәжірибеге бағытталған цифрлық құзыреттерді қалыптастыру арқылы;
- ТДМ 9 — Индустрияландыру, инновациялар және инфрақұрылым, зияткерлік қоймалық технологияларды меңгеру арқылы;
- ТДМ 12 — Жауапты тұтыну және өндіріс, ресурстарды тиімді пайдалану мен қоймалық үдерістерді цифрлық оңтайландыруды түсіну арқылы.
