2026 жылғы 2 наурызда ALT Университет имени Мухаметжана Тынышпаева оқу корпусында «Деструктивті мінез-құлықтың алдын алу: “Ресурста өмір сүр: негативпен қалай күресуге және өзіңді қалай сақтауға болады”» тақырыбында тренинг өтті.
Іс-шараны Инклюзивті білім беру және менталдық денсаулық офисінің жетекшісі Дария Рахималиевна Шабденова өткізді.
Тренингке 50 студент қатысты. Интерактивті форматта өткен жұмыс барысында қатысушылар:
- эмоционалдық күйзеліс пен деструктивті мінез-құлық белгілерін тануды;
- стресс пен жағымсыз эмоцияларды басқару тәсілдерін;
- психологиялық тұрақтылық пен жеке ресурстарды дамыту жолдарын;
- өзін-өзі реттеу және психологиялық саулықты сақтау дағдыларын меңгерді.
Тренинг барысында психоақпараттық бөлім, тәжірибелік жаттығулар, ресурс жағдайын қалпына келтіру техникалары және өмірлік жағдайларды талқылау өткізілді.
Мұндай іс-шаралар білім беру ортасында психологиялық қауіпсіздік мәдениетін қалыптастыруға, сондай-ақ жастардың психикалық денсаулығына жауапкершілікпен қарау дағдыларын дамытуға бағытталған.
Аталған бастама БҰҰ-ның Тұрақты даму мақсаттарын қолдауға бағытталған:
- ЦУР 3: Жақсы денсаулық және әл-ауқат
- ЦУР 4: Сапалы білім
- ЦУР 10: Теңсіздікті азайту
Инклюзивті білім беру және менталдық денсаулық офисі студенттердің психологиялық әл-ауқатын нығайту бағытында жүйелі жұмыс жүргізуді жалғастырады.
