ALT University студенттері Омбы мемлекеттік көлік университетіне (ОмМҚУ) жасаған оқу іссапарынан оралды. Бұл сапар университеттің басты артықшылықтарының бірі — қосдипломды білім беру бағдарламасының тиімділігін айқын көрсетті.
Іссапарға екі санаттағы студенттер қатысты:
-
қосдипломды білім беру бағдарламасы бойынша білім алатын студенттер;
-
академиялық ұтқырлық бағдарламасының қатысушылары.
Сапар барысында студенттер ОмМҚУ-дың оқу үдерісімен танысып, дәрістерге қатысып, заманауи зертханаларда тәжірибелік жұмыстар жүргізді. Оқытушылардың жоғары кәсібилігі мен материалдық-техникалық базаның жоғары деңгейі студенттердің теориялық білімін тәжірибемен ұштастыруына мүмкіндік берді. Мұндай халықаралық тәжірибе болашақ мамандардың кәсіби сенімін арттырады.
Серіктестік аясында жақын уақытта ОмМҚУ-дан 60 студенттің ALT University-ге жауапты сапары жоспарлануда. Бұл қадам екі жоғары оқу орны арасындағы ынтымақтастықты нығайтып, халықаралық білім беру ортасын кеңейтуге бағытталған.
ALT University халықаралық академиялық байланыстарды дамыту арқылы көлік саласының болашақ мамандарын даярлауды жалғастыруда.
