13 қыркүйек күні ALT University 1-курс студенттері үшін ұмытылмас тимбилдинг шарасы ұйымдастырылды. Іс шара көрікті Есік көлінің баурайында, табиғаттың әсем көрінісі мен таза ауасының аясында өтті.
Бұл күн — жаңа таныстықтардың, шынайы күлкі мен қуаныштың, студенттік өмірдің нағыз бастамасы болды.
Жастар көңілді ойындар ойнап, би билеп, ән шырқап, командалық рух пен бірлікті сезінді. Әр сәт — әсерге, әр күлкі — естелікке айналды.
Есік көлінің тыныштығы мен таудың самалына толы осы күн студенттердің есінде ұзақ сақталары анық.
Бірлік пен достықты ұран еткен жастарға шабыт пен жарқын сәттер тілейміз!
