2024 жылдың 28 қарашасында ALT Университетінде Маликуссалех университетінің (Индонезия) ректоры бастаған Prof Herman Fithra делегациясымен кездесу өтті. Екі университет басшылығының құттықтау сөздерінен кейін жоғары оқу орындары туралы қысқаша презентация ұсынылды. Одан кейін ALT Университеті мен Маликуссалех университеті арасындағы одан әрі ынтымақтастық, атап айтқанда студенттер мен ПОҚ алмасу, ғалымдардың ғылыми мақалаларының бірлескен жарияланымдары, дәріс оқуға профессорларды тарту және т. б. талқыланды.
Университеттер арасында өзара түсіністік туралы Меморандумға қол қойылды.
Маликуссалех Университетінің ректоры Prof. Herman Fithra логистика және бизнес институтының студенттері мен оқытушыларына «Sustainability in Freight Transportation» тақырыбында дәріс өткізді. Сондай-ақ, Көлік және құрылыс институтының студенттері мен оқытушылары Маликуссалех Университетінің инженерлік факультетінің деканы, Dr. Sofyan «Vibration-based Structural Health Monitoring» атты дәрісіне қатысты.
