2026 жылғы 23 қаңтарда ALT Қысқы мектебі аясында университеттің конференц-залында мүгедектігі бар және ерекше білім беру қажеттіліктері бар студенттерге арналған «Біргеміз — күшпіз» тақырыбында семинар-тренинг өтті. Іс-шара Тұрақты даму мақсаттарын (ТДМ), атап айтқанда ТДМ №17 — «Мақсаттарға қол жеткізу жолындағы әріптестік» қағидаттарын іске асыру аясында, сондай-ақ бейінді ұйыммен жасалған қолданыстағы ынтымақтастық туралы меморандум негізінде ұйымдастырылды.
Іс-шараны ұйымдастырушылар:
-
Шабденова Дария Рахималиевна — ALT Инклюзивті білім беру және менталдық денсаулық офисінің жетекшісі;
-
Ташимбетова Ақдана Тұрсынханқызы — Тәрбие және әлеуметтік жұмыс департаментінің директоры;
-
Ахатай Ырысбек — Жастар саясаты бағытының жетекшісі.
Семинар-тренинг спикерлері:
-
Бегалиева Захира Оңғарбайқызы — ҚР Еңбек және халықты әлеуметтік қорғау министрінің штаттан тыс кеңесшісі, «ITeachMe» ҚҚ — Құзыреттерді дамыту орталығының директоры;
-
Масимжанова Алика — жоба менеджері.
Іс-шара барысында Масимжанова Алика интерактивті семинар-тренинг өткізіп, оның аясында студенттер өзін-өзі қолдау, тиімді коммуникация, сенімді өзін-өзі таныту дағдыларын меңгерді, сондай-ақ инклюзивті білім беру ортасында тұлғалық және кәсіби даму мүмкіндіктері туралы ақпарат алды. Қатысушылар психологиялық тұрақтылық пен әлеуметтік бейімделуді дамытуға бағытталған жаттығуларға белсенді қатысты.
Бегалиева Захира Оңғарбайқызы мүгедектігі бар адамдарға қатысты стигматизация мәселелерін, кедергісіз ортаны қалыптастырудың маңызын атап өтіп, тең мүмкіндіктер қағидаттарын сақтау мен құрметке негізделген өзара әрекеттестіктің қажеттілігіне ерекше назар аударды. Сессия барысында спикер қатысушыларға сұрақтар қойып, практикалық ұсыныстар мен нақты кейстерді талқылады, бұл университетте инклюзивті мәдениетті қалыптастыруға ықпал етті.
Семинар-тренингтің мақсаты — мүгедектігі бар және ерекше білім беру қажеттіліктері бар студенттердің тұлғалық дамуына арналған қолдаушы әрі қауіпсіз кеңістік құру, олардың психологиялық тұрақтылығын нығайту, өзіне деген сенімділігін арттыру, өзін-өзі қолдау, коммуникация және университеттің білім беру ортасына әлеуметтік интеграция дағдыларын дамыту.
Аталған іс-шара ALT университетінде инклюзивті саясатты дамыту жолындағы маңызды қадам болып, студенттерді қолдауға және тұрақты, қолжетімді әрі қауіпсіз білім беру ортасын қалыптастыруға бағытталған сектораралық әріптестіктің маңыздылығын тағы да растады.
