2025 жылғы 25 желтоқсанда IT бағыттары бойынша білім алатын студенттер Qazaq Investment Company ЖШС-на оқу-практикалық көшпелі сабақ аясында барды.
Сапар барысында студенттер компанияның қызметімен, инвестициялар мен цифрлық технологиялар саласындағы негізгі жұмыс бағыттарымен, жүзеге асырылып жатқан IT-жобалармен және корпоративтік IT-инфрақұрылыммен танысты. Компания өкілдері жас мамандарға қойылатын талаптар, өндірістік практикадан өту мүмкіндіктері және IT-мамандықтар түлектері үшін жұмысқа орналасу перспективалары туралы ақпарат берді.
Көшпелі іс-шара ақпараттық-коммуникациялық технологиялар кафедрасының сениор-лекторы Муратова Қарлығаштың сүйемелдеуімен ұйымдастырылды. Ол студенттердің жұмысын үйлестіріп, сапардың оқу пәндерінің білім беру мақсаттарымен байланысын қамтамасыз етті.
Компанияға жасалған сапар студенттердің кәсіби дүниетанымын кеңейтуге, нақты бизнес-сектордағы IT-мамандардың жұмысын тәжірибелік тұрғыда түсінуге және болашақ кәсіби қызметке деген қызығушылығын арттыруға мүмкіндік берді.
