Білім беру үдерісін тиімді жүргізу тек оқу материалын сапалы ұсынумен ғана емес, сонымен қатар студенттердің жұмысын нақты ұйымдастырумен де байланысты. Қазіргі заманғы тәсілдердің бірі – командалық жұмыс, мұнда білім алушылар тапсырмаларды бірлесіп орындайды, ал оқытушы әрбір команданың ілгерілеуін тұрақты есептер мен жұмыстарды тапсыру арқылы қадағалайды.
Бұл кейс «Жерге орналастыру және кадастр мақсаттары үшін жер бедерінің 3D модельдерін құру» пәні аясында «Кадастр және қала құрылысы» білім беру бағдарламасының 2-курс студенттерімен жүргізілген тәжірибені көрсетеді.
Командалық жұмыс студенттердің уәждемесі мен жауапкершілігін арттырады, нақты жоспарлау және аралық есептер кемшіліктердің алдын алуға көмектеседі, жұмысты тапсырғаннан кейінгі кері байланыс сыни ойлау мен өзін-өзі бағалау дағдыларын қалыптастырады, ал цифрлық платформаларды пайдалану коммуникацияны жеңілдетіп, оқу үдерісін бақылауды тиімді етеді.
