2026 жылғы 21 мамыр күні «Бағдарламалық қосымшаларды талдау және жобалау» пәні аясында ПИ 24-1к және ПИ 24-2к топтарының студенттері өздерінің кейс-жобаларын қорғады. Жобаларды қорғау «Ақпараттық-коммуникациялық технологиялар» кафедрасының оқытушысы Махашева Н.А. жетекшілігімен өтті.
Кейс-жобалардың негізгі мақсаты – студенттердің бағдарламалық қосымшаларды талдау, жобалау және әзірлеу дағдыларын қазіргі IT-индустрия талаптарына сәйкес қалыптастыру болды. Жұмыс барысында студенттер бағдарламалық шешімдердің архитектурасын әзірлеу, жүйелерді модельдеу және пайдаланушы интерфейстерін жобалау бойынша тапсырмалар орындады.
Кейс-жобалардың тақырыптары заманауи және өзекті бағыттарды қамтыды, атап айтқанда «ақылды үй» жүйелерін әзірлеу, жасанды интеллект саласындағы заңнаманы талдау және қолдану, сондай-ақ тұрғын үй кешендерінде заттарды жалға алу және сатып алу бойынша цифрлық шешімдер.
Жобалар практикалық бағытта болып, пайдаланушылардың өмір сапасын арттыруға және цифрлық ортаны дамытуға бағытталған IT-шешімдерді әзірлеуді көздеді.
Қорғау барысында студенттер өз жобаларын таныстырып, жүйе құрылымын, архитектуралық шешімдерін және жобалау қағидаларын жан-жақты түсіндірді. Олар жүйелік талдау, логикалық ойлау және теориялық білімді практикада қолдану дағдыларын көрсетті.
Әрбір жоба жеке көзқараспен ерекшеленіп, студенттердің кәсіби дайындық деңгейінің жоғары екенін көрсетті. Қатысушылар қабылданған шешімдерді негіздеп, тиімді IT-шешімдерді әзірлеу қабілеттерін дәлелдеді.
Автор: Өмірбекова З.М.
