31 қаңтарда ALT университетінде «Университеттен кейінгі логисттің жолы» тақырыбында қонақ дәрісі өтті. Спикерлер ретінде «LAM Kazakhstan» көлік-экспедиторлық компаниясының өкілдері операциялық менеджер Мендагалиева Анеля и сату бойынша менеджер Избасар Аружан сөз сөйледі. Дәріс логистика саласында мансап құруға қызығатын көптеген студенттерді жинап, болашақ мамандық туралы қызу пікірталасқа айналды.
Қонақтар өз компаниясының қалыптасу тарихымен бөлісіп, негізгі қызмет бағыттары мен логистика саласындағы жұмыс ерекшеліктері туралы айтты. Тақырып кеңінен қамтылды: тасымалдауды ұйымдастырудан бастап, жеткізу тізбегін басқару және халықаралық серіктестермен жұмыс істеуге дейін. Әсіресе, студенттер үшін логистикадағы табысты мансапты қалай құруға болатыны және кәсіби жолын неден бастау керектігі туралы практикалық кеңестер өте пайдалы болды.
Спикерлер осы саладағы маманға қажет қасиеттерге ерекше тоқталды. Олар мұқияттылықтың, күйзеліске төзімділіктің, аналитикалық дағдылардың және ойлау икемділігінің маңыздылығын атап өтті. Қазіргі заманғы логист – бұл тек жүк тасымалдауды үйлестіруші ғана емес, сонымен қатар күрделі мәселелерді шешіп, нарық өзгерістеріне бейімделе алатын стратег.
Студенттер үшін ең өзекті сұрақтардың бірі – оқу бітіргеннен кейін жұмыс табу. «LAM Kazakhstan» өкілдері сұранысқа ие лауазымдар, жұмысқа орналасу мүмкіндіктері және көлік компанияларынан бастап ірі халықаралық корпорацияларға дейінгі түрлі ұйымдардағы мансаптық өсу туралы айтты. Олар түйіндеме дайындау, сұхбаттан өту және қажетті дағдыларды дамыту бойынша ұсыныстар берді.
Дәріс өте белсенді өтті: студенттер сұрақтар қойып, өз күткендерімен бөлісті және кәсіби мамандардан құнды кеңестер алды. Мұндай кездесулер жас мамандарға еңбек нарығын жақсы түсінуге және мамандықта алғашқы қадамдарын сенімді жасауға көмектеседі. Логистика – кең мүмкіндіктер ұсынатын сала, және онда өз орныңды қалай табу керектігін білу маңызды.
