2024 жылғы 20 ақпанда М. Тынышпаев атындағы ALT университетінде ҚР Президенті жанындағы ҚР Ұлттық Ғылым Академиясының «Көлік» секциясының отырысы өтті. Оған Қазақстанның жетекші компанияларының, ғылыми және білім беру ұйымдарының өкілдері қатысты, олардың қатарында:
- «ALT Университеті» АҚ
- «Азаматтық авиация академиясы» АҚ
- «Жол ғылыми-өндірістік орталығы» ЖШС
- «Метропроект» ЖШС
- Ш. Есенов атындағы Каспий технологиялар және инжиниринг университеті
- «Қазақ көлік қауіпсіздігі ғылыми-зерттеу институты» ЖШС
- Алматы облысы полиция департаменті
Кездесудің басты мақсаты – 2025 жылғы 28 қаңтарда өткен Үкіметтің кеңейтілген отырысында Мемлекет басшысының сөйлеген сөзін талқылау болды. Президент логистиканың әлемдік нарықта жетекші орынға ие екенін атап өтіп, Қазақстанның бұл саладағы мүмкіндіктерін тиімді пайдалануы қажеттігін айтты. Бұл үшін көлік-логистикалық әлеуетті дамыту, жол инфрақұрылымын жақсарту және жол құрылысының сапасын арттыру қажет.
Көлік саласы үшін кадрлар даярлау мәселесіне ерекше назар аударылды. Жиынға қатысушылар сапалы жол және логистикалық инфрақұрылым жоғары білікті мамандарсыз – инженерлерсіз, жобалаушыларсыз, құрылысшыларсыз, логистерсіз мүмкін емес екенін атап өтті.
Елдегі жетекші білім беру орталықтарының бірі ретінде ALT университеті көлік саласы үшін кәсіби мамандар даярлау бастамаларын белсенді түрде қолдайды. Заманауи білім беру бағдарламалары, салалық компаниялармен серіктестік және оқытуда озық технологияларды енгізу – Қазақстан инфрақұрылымын дамыту бойынша стратегиялық міндеттерді шешуге қабілетті кадрларды қалыптастыруға ықпал етеді.
ALT университеті Қазақстанның көлік жүйесін табысты дамытуда білімнің негізгі рөл атқаратынын түсіне отырып, мықты білім беру базасын қалыптастыру жұмысын жалғастыруда.
