2026 жылғы 14 сәуірде Қ.И. Сәтбаев атындағы Қазақ ұлттық техникалық зерттеу университеті базасында «Сәтбаев оқулары – 2026» халықаралық конференциясы аясында «Климатты тұрақтандыруға арналған энергия, ресурстар және технологиялар» тақырыбында машина жасау және энергетика бойынша хакатон өтті.
Іс-шара Қазақстанның жетекші техникалық жоғары оқу орындарының студенттері мен магистранттарын біріктірді, оның ішінде Алматы технологиялық университеті, Ғ. Дәукеев атындағы Алматы энергетика және байланыс университеті және Қ.И. Сәтбаев атындағы ҚазҰТЗУ болды. Бұл қатысушылар арасында жоғары деңгейдегі бәсекелестік пен ғылыми маңыздылықты қамтамасыз етті.
«ALT университеті» АҚ «Машина жасау» білім беру бағдарламасының 3-курс студенттері (М-23-1к тобы) — Наукешов Алан, Досқали Берік және Ақыл Елнур — сениор-лектор Омарова Томирис Казбековнаның жетекшілігімен жоғары дайындық деңгейін көрсетіп, құрметті 3-орынға ие болды.
Хакатон – тұрақты дамуға қол жеткізу құралы Хакатонның басты мақсаты келесі бағыттар бойынша инновациялық шешімдерді әзірлеу болды:
-
Көміртек ізін азайту;
-
Энергия тиімділігін арттыру;
-
Табиғи ресурстарды ұтымды пайдалану;
-
Экологиялық қауіпсіз технологияларды енгізу.
Осылайша, хакатон білім беруді, ғылымды және нақты өндірістік міндеттерді біріктіре отырып, тұрақты даму тұжырымдамасын жүзеге асырудың практикалық алаңына айналды. Alageum Electric, LLP «NTP Kazecotech», LLP «Qazaq Youth Science Hub», LLP «ReLive Research» және «Алматы электрқалқан зауыты» сияқты өндірістік серіктестердің қатысуы ерекше рөл атқарды. Олар нақты өндірістік кейстер ұсынып, қатысушыларға өнеркәсіпке енгізуге бағытталған шешімдерді әзірлеуге мүмкіндік берді.
Студенттердің жобасы: қалдықтарды қайта өңдеудің тұрақты технологиялары АЛТ университетінің командасы «Құрылыс қалдықтарын қайта өңдеу және қайта пайдалану бойынша инновациялық шешімдер» атты жобаны ұсынды.
-
Өзектілігі: Құрылыс саласы барлық қатты қалдықтардың 30–40%-ын құрайды. Урбанизация жағдайында тұрақты даму, айналмалы экономика (circular economy) және экологиялық бағытталған өндіріс қағидаларын енгізу өте маңызды. Жоба экологиялық жүктемені азайтуға және ресурстарды пайдалану тиімділігін арттыруға бағытталған.
Жобаның негізгі шешімдері:
- Қалдықтарды кешенді талдау: Ғимараттардың өмірлік циклінің барлық кезеңдері (құрылыс, бұзу) қарастырылды.
- Мәселелерді анықтау: Дәстүрлі жерлеу әдістерінің зияны мен CO₂ шығарындылары талданды.
- Инновациялық технологиялар: Бетонды қайта өңдеу (90%-ға дейін), асфальтты рециклинг (100%), полимерлерді химиялық өңдеу, биотехнологиялар (өздігінен қалпына келетін бетон), жасанды интеллект пен роботтандыруды қолдану.
- Қайта пайдалану: Design for Disassembly (DfD), апсайклинг және урбан-майнинг әдістері.
- Цифрландыру: BIM технологиялары мен ғимараттардың цифрлық паспорттарын енгізу.
Тұрақты даму мақсаттарымен (SDGs) байланысы: Жоба БҰҰ-ның келесі мақсаттарына тікелей сәйкес келеді: ТДМ 12 (жауапты тұтыну), ТДМ 13 (климатпен күрес), ТДМ 11 (тұрақты қалалар) және ТДМ 9 (инновациялар).
Қорытынды: Иеленген 3-орын АЛТ университеті студенттерінің жоғары дайындығын және жаһандық мәселелерді шешу қабілетін дәлелдейді. Наукешов Алан, Досқали Берік, Ақыл Елнурды және жетекшісі Т.К. Омарованы лайықты нәтижемен құттықтаймыз!
