ALT Университеті халықаралық серіктестіктерін кеңейтіп, шетелдік талапкерлерді қабылдауға ынталандыру жұмыстарын жалғастыруда. Қазан айында Университет Ташкент (Өзбекстан) және Бішкек (Қырғызстан) қалаларында өткен ірі білім көрмелеріне қатысты.
Мұхамеджан Тынышбаев атындағы ALT Университеті стендінде келушілер келесі бағыттар бойынша ақпарат алды:
- бакалавриат, магистратура және докторантура бағдарламалары;
- Foundation бағдарламасы;
- халықаралық сертификаттау мүмкіндіктері;
- шетелдік талапкерлер үшін қабылдау шарттары;
- кампус өмірі мен Университет инфрақұрылымы.
Көрмеге мектеп түлектері, студенттер, ата-аналар және білім ұйымдарының өкілдері қатысты. Университет өкілдері жеке кеңес беріп, қабылдау, виза рәсімдеу, жатақхана және академиялық мүмкіндіктер туралы сұрақтарға жауап берді.
Ташкент пен Бішкек қалаларындағы көрмелерге қатысу Орталық Азиядан талантты студенттерді тарту және серіктестікті нығайту жолындағы маңызды қадам болды. Мұхамеджан Тынышбаев атындағы ALT Университеті халықаралық рекрутингті күшейтіп, шетелдік студенттер үшін қолайлы жағдай жасауды жалғастырады.
