2026 жылғы 12 қаңтарда Университеттің әртүрлі мамандықтары бойынша 1-курс студенттеріне арналған «My Kazakhstan» викторинасы оқу іс-шарасы «Language Education» кафедрасының қауымдастырылған профессоры Абишева Д. тарапынан өткізілді. Іс-шараның мақсаты — студенттердің тілдік дағдыларын дамыту және Қазақстан туралы білімдерін кеңейту.
Викторина Қазақстан Республикасының географиясы, тарихы, мәдениеті, білім беру жүйесі және мемлекеттік рәміздері бойынша сұрақтарды қамтыды. Жұмыс форматы студенттердің белсенді қатысуына ықпал етті: қатысушылар жеке және топпен жұмыс жасап, жауаптарын талқылап, өз көзқарастарын ағылшын тілінде дәлелдеді.
Қазақстанның ұлттық дәстүрлеріне байланысты сұрақтар студенттердің ерекше қызығушылығын тудырды. Викторина сын тұрғысынан ойлау, коммуникативтік дағдыларды дамытуға және ағылшын тілінің лексикасын нақты өмірлік жағдайда қолдануға ықпал етті. Студенттер тақырыпқа жоғары қызығушылық танытып, жеке және топпен жұмыс істеу қабілеттерін көрсетті.
