«Автомобильдер және автомобиль шаруашылығы» білім беру бағдарламасының студенттері 2-30 маусым аралығында Урумчи кәсіби университетімен ынтымақтастық аясында «Қытай тілі – Автомобильдерді техникалық қызмет көрсету және диагностика» бағдарламасы бойынша Синьцзян Goldman Ltd компаниясында өндірістік тәжірибеден өтті.
Тәжірибе барысында студенттер:
- автомобильдерге техникалық қызмет көрсету мен жөндеудің заманауи технологияларымен танысты;
- компьютерлік диагностика әдістерін және техникалық ақауларды анықтау тәсілдерін меңгерді;
- кәсіби жабдықтармен жұмыс істеу дағдыларын игерді;
- кәсіпорынның өндірістік алаңдарында практикалық сабақтарға қатысты;
- регламенттік техникалық қызмет көрсетуді орындау тәжірибесін арттырды;
- қытай тіліндегі техникалық терминологияны өндірістік ортада қолдану дағдыларын жетілдірді;
- Синьцзян Goldman Ltd мамандары өткізген мастер-кластар мен оқыту сессияларына қатысты.
Бұл өндірістік тәжірибе студенттердің кәсіби құзыреттерін дамытуға, халықаралық тәжірибеге қол жеткізуге және автомобиль индустриясының заманауи талаптарына сай дағдыларды қалыптастыруға маңызды мүмкіндік берді.
