2026 жылғы 26 ақпанда «Жалпы инженерия» кафедрасының білім беру және әлеуметтік бастамаларын біріктірген айтулы іс-шара өтті. Профессор-оқытушылар құрамы (ПОҚ) студенттермен бірге Ахмет Байтұрсынұлының мұражай-үйіне барып, көрнекті қоғам қайраткері Аслы Османмен кездесуге қатысты. Шара І-ші Бүкілодақтық түркітанушылар сиезінің 100 жылдығына орайластырылды.
Тұрақты дамудың 3-ші мақсатын («Жақсы денсаулық және әл-ауқат») іске асыру тек физикалық қауіпсіздікті ғана емес, сонымен қатар әлеуметтік және ментальды саулықты да қамтиды. Біз адамның әл-ауқаты — бұл тек физикалық күй ғана емес, сонымен бірге ментальды, әлеуметтік және рухани денсаулық екеніне сенімдіміз.
Ұлт ұстазы Ахмет Байтұрсынұлының мемориалдық мұражайына бару тұрақты ұлттық сана-сезімнің қалыптасуына ықпал етеді, бұл жастардың психологиялық жайлылығы мен өз болашағына деген сенімділігінің кепілі болып табылады.
Күннің ерекше сәті Аслы Әлиқызы Османмен болған ашық диалог еді. Ғалым-түркітанушы және жалынды патриот Аслы Осман инженерлік мамандық студенттерімен тіл мен тарихты білудің кез келген кәсіби саладағы табысқа қалай әсер ететіні туралы өз пайымымен бөлісті.
«Инженер ғимараттар мен механизмдерді тұрғызады, ал өз тамырыңды білу адамның жанын қалайды», — деп атап өтті Аслы Осман жастармен әңгімелесу барысында.
Мұражайға бару және Аслы Османмен болған еркін сұхбат мәдени кодты сақтау мен білім беру арқылы ұлттың «денсаулығына» қамқорлық жасау — жаһандық әл-ауқат мақсаттарына жетуге қосқан ортақ үлесіміз екенін көрсетті.
