Тұрақты дамудың 4-ші мақсаты — «Сапалы білім беру» бағдарламасын жүзеге асыру аясында 2026 жылдың 8 сәуірінде М. Тынышбаев атындағы ALT Университетінде эдвайзерлерге арналған арнайы семинар ұйымдастырылды.
Семинарды Әлеуметтік-гуманитарлық пәндер және дене тәрбиесі кафедрасының сениор-лекторы Манат Қанағатов жүргізді. Ол Абай Құнанбайұлының адамгершілік философиясы — жаһандану дәуіріндегі ұлттық тәрбиенің негізгі бағдары екенін атап өтті.
«Толық адам» ілімінің негізгі үш тірегі талқыланды:
-
Ыстық қайрат — мақсатқа жетудегі қажырлылық пен жігер;
-
Нұрлы ақыл — ізгілікке бағытталған салауатты сана;
-
Жылы жүрек — мейірім, әділет және рақымның ұясы.
Жиын соңында қатысушылар «Адал азамат» ұлттық идеалын қалыптастыруда Абай мұрасын оқу-тәрбие үдерісіне интеграциялау мәселелері бойынша пікір алмасты.
