2026 жылғы 11 ақпанда Студенттер үйлерінде (ДС 2–4) «Некеге дейінгі қарым-қатынас: денсаулық, жауапкершілік және саналы таңдау» тақырыбында ақпараттық-түсіндіру кездесуі өтті. Іс-шара Nur Lab Medical Clinic медициналық орталығының қолдауымен ұйымдастырылды. Консультациялық жұмыстарды мейірбике Аягүл Жаңабайқызы Бегдаирова жүргізді.
Кездесудің мақсаты: Студенттерге некеге дейінгі қарым-қатынас мәселелері бойынша ғылыми, медициналық және психологиялық тұрғыдан сенімді ақпарат беру.
Кездесу барысында талқыланған негізгі мәселелер:
-
Репродуктивті денсаулық және оны сақтау жолдары;
-
Жыныстық жолмен берілетін инфекциялардың (ЖЖБИ) алдын алу;
-
Ерте жүктіліктің медициналық және әлеуметтік салдары;
-
Контрацепция түрлері және оларды қауіпсіз қолдану;
-
Жеке шекара, өзара келісім (consent) және құрдастар қысымына қарсы тұру.
Кездесу форматы: Шара еркін форматтағы сұрақ-жауап, құпия түрде жеке кеңес алу мүмкіндігі және ақпараттық жадынамалар таратумен ерекшеленді. Барлық сұрақтардың құпиялығы толық сақталды.
