Интерактивті кездесу аясында «Сапалы білім — лайықты жұмыстың негізі» тақырыбында докторант Қуандыков Б.Н. және «Көлік құрылысы» кафедрасының сеньор-лекторы Аблязова А.М. БҰҰ-ның Тұрақты даму мақсаттары №4 — «Сапалы білім» және №8 — «Лайықты жұмыс және экономикалық өсу» міндеттерін жүзеге асыруға бағытталған жұмыс жүргізді.
Кездесу барысында заманауи білім беру тәсілдері қолданылды: топтық жұмыс, төрт бағыт бойынша талдау, талқылау және топтық шешімдерді қорғау. Мұндай формат студенттерге сапалы білім мен болашақ кәсіби қызмет арасындағы байланысты терең түсінуге ғана емес, сонымен қатар ұжымдық жұмыс, сыни ойлау және дәлелді сөйлеу дағдыларын дамытуға мүмкіндік берді.
Білім алушылар жоғары деңгейдегі белсенділік танытып, талқылауға белсене қатысып, практикалық шешімдер ұсыну қабілеттерін көрсетті. Осындай іс-шаралар студенттердің сапалы білімнің маңыздылығын — кәсіби өсудің, табысты жұмысқа орналасудың және қоғамның тұрақты дамуының негізі екенін түсінуіне ықпал етеді.
