Kcell компаниясының Senior Software Engineer маманы және АКТ кафедрасының сениор-лекторы Сейітқали Бекжан Қырғызстан Халықаралық университетінің «Ақпараттық жүйелер» мамандығының студенттері үшін арнайы шеберлік сабағын өткізді.
Шара барысында заманауи веб-әзірлеудің негізгі аспектілері: веб-беттердің құрылымы, HTML, CSS және JavaScript негіздері, сондай-ақ клиент-серверлік өзара іс-қимыл принциптері талқыланды. Студенттер IT саласында кәсіби мансап құру және сұранысқа ие құзыреттерді дамыту бойынша практикалық кеңестер алды.
Бұл бастама БҰҰ-ның №4 Тұрақты даму мақсаты («Сапалы білім беру») аясында жүзеге асырылып, академиялық орта мен IT-индустрия арасындағы байланысты нығайтуға бағытталған.
