ALT Университеті М.Тынышпаев атындағы университет «ҚазАзот» АҚ-мен меморандумға қол қойды. «ҚазАзот» – минералдық тыңайтқыштар мен өнеркәсіптік химия өндіруге маманданған, Қазақстандағы ең ірі химия кәсіпорындарының бірі. Құжат жоғары білікті кадрларды даярлау және студенттердің практикалық дағдыларын кеңейту бойынша жаңа мүмкіндіктер ашады.
«ҚазАзот» – химия саласындағы стратегиялық кәсіпорын, ол ішкі нарықты аммиак, аммиак селитрасы, нитраттар және басқа да минералдық тыңайтқыштар сияқты кең ауқымды өнімдермен қамтамасыз етеді. Мұндай индустриялық көшбасшымен ынтымақтастық студенттерге кәсіби өсудің, тағылымдамалардың және болашақта жұмысқа орналасудың нақты мүмкіндіктерін береді.
Меморандумға қол қою – академиялық қауымдастық пен өнеркәсіптік сектор арасындағы байланысты нығайтудағы маңызды қадам. Бұл адам капиталын дамытуға және ел экономикасына қажетті мамандарды даярлауға бағытталған серпінді бастама.
ALT Университеті Қазақстанның жетекші кәсіпорындарымен серіктестік желісін кеңейтуді жалғастырып, практикаға бағытталған білім беру ортасын қалыптастырып, студенттерді заманауи технологиялар мен саланың үздік тәжірибелеріне қол жеткізумен қамтамасыз етуде.
