2026 жылғы 19 наурызда Мұхамеджан Тынышпаев атындағы ALT Университеті, Логистика және бизнес институтының «Language Education» кафедрасы «Шаңырақ күні: дәстүр мен отбасы құндылықтары» аясында қайырымдылық іс-шарасын өткізді. Аға ұрпаққа құрмет көрсету және ұрпақтар сабақтастығын нығайту мақсатында ұйымдастырылған бұл шарада Талғар ауданы, Байсерке ауылындағы «Уют» қарттар пансионатында тұратын зейнеткерлерге азық-түлік және қажетті заттар түрінде көмек көрсетілді.
Тұрақты дамуға қосқан үлесі: Бұл бастама БҰҰ-ның «Теңсіздікті қысқарту» (ТДМ 10) мақсатына тікелей сәйкес келеді. Ол қоғамдағы әлеуметтік инклюзияны нығайтуға, студенттердің азаматтық жауапкершілігін арттыруға және отбасылық жылулық пен сыйластық құндылықтарын дәріптеуге бағытталған.
