2026 жылдың 2 сәуірінде ЭЭ-23-4, ЭЭ-23-5 және ЭЭ-23-7к топтарының студенттері Алматы музейіне барып, сүйікті қаламыздың бай тарихына бойлады. Музей қабырғасында біз Алматының көне дәуірден бүгінгі күнге дейінгі қалыптасу жолын зерделедік.
Бірегей жәдігерлер мен сирек артефактілер мегаполистің даму кезеңдерін, бастан өткерген сынақтары мен тұрғындарының ерен жетістіктерін айқын көрсетті. Студенттер үшін бұл экскурсия жай ғана серуен емес, тағылымы мол тарих сабағына айналды. Сапар барысында олар:
-
туған өлке туралы тың деректермен танысты;
-
тарихи оқиғалардың маңыздылығын түйсінді;
-
ата-баба мұрасы мен ортақ мәдениетіміздің құндылығын сезінді.
Алматы музейі — өткеннің шежіресі ғана емес, болашақты құруға жол сілтейтін сарқылмас білім мен шабыт көзі.
Куратор-эдвайзер: Жандос Жанерке
