ALT Университетінің «Радиотехника және телекоммуникация» кафедрасы БҰҰ-ның Тұрақты даму мақсаттарының 7-ші бағыты — «Арзан әрі таза энергия» (Affordable and Clean Energy) іске асыруға арналған ғылыми-білім беру семинарын өткізді.
Іс-шара аясында энергия тиімді электронды жүйелерді дамытудың заманауи бағыттары, сондай-ақ энергетикалық жүйелердің тиімділігін арттырудағы телекоммуникациялық технологиялардың рөлі қарастырылды. Энергия тұтынуды мониторингілеудің интеллектуалды жүйелерін қолдану, энергетикалық процестерді автоматтандыру және жаңартылатын энергия көздері саласындағы инновациялық шешімдерді енгізу мәселелеріне ерекше назар аударылды.
Семинар барысында қатысушылар энергетиканы тұрақты дамыту және энергетикалық ресурстарды пайдалану тиімділігін арттыру үшін инженерлік шешімдердің маңыздылығын талқылады. Энергия тиімділігін қамтамасыз етуге және таза энергетиканы дамытуға бағытталған заманауи технологиялық шешімдерді әзірлей алатын радиотехника және телекоммуникация мамандарын даярлаудың маңызы бөлек атап өтілді.
Мұндай іс-шаралар студенттердің жаһандық тұрақты даму міндеттері туралы хабардарлығын арттыруға және энергетикалық әрі экологиялық мәселелерді шешудегі заманауи технологиялардың рөлін түсінуге септігін тигізеді. «Радиотехника және телекоммуникация» кафедрасы БҰҰ-ның Тұрақты даму мақсаттарын қолдауға және университеттегі білім беру мен ғылыми процестерге тұрақты даму принциптерін интеграциялауға бағытталған бастамаларды одан әрі іске асыруды жалғастырады.
