Практикаға бағытталған оқытуды іске асыру аясында КТЭИ директоры А.Ж. Тойғожинова мен «Радиотехника және телекоммуникациялар» кафедрасының меңгерушісі Г.Д. Мусапирова «Транстелеком» АҚ-ның Алматы қаласындағы «Алматытранстелеком» филиалында орналасқан кафедра филиалы базасындағы сабақтарға қатысты.
Мұндай формат теориялық білімді өндірістік практикамен тиімді ұштастыруға және студенттердің кәсіби құзыреттілігін қалыптастыруға ықпал етеді. Дуалды оқыту элементтері бар сабақтарды Мұхамеджан Тынышпаев атындағы ALT University қауымдастырылған профессоры Б.Е. Мамилов өткізеді. Оқу процесі тікелей кәсіпорынның өндірістік ортасында ұйымдастырылған, бұл студенттерге теориялық білімді іс жүзінде бекітуге және телекоммуникация саласындағы нақты технологиялық процестермен танысуға мүмкіндік береді.
Сабақ барысында білім алушылар телекоммуникациялық жабдықтарды пайдалану ерекшеліктерін, талшықты-оптикалық байланыс желілерін құру принциптерін, сондай-ақ желілік инфрақұрылымның сенімділігі мен тұрақтылығын қамтамасыз ету мәселелерін зерттеді.
Дуалды оқыту форматы кәсіби дағдыларды дамытуға және түлектердің еңбек нарығындағы бәсекеге қабілеттілігін арттыруға септігін тигізеді. Бейінді кәсіпорын базасында сабақтар өткізу университеттің индустриялық серіктестермен өзара іс-қимылын нығайтады және білім, ғылым мен өндірістің тиімді интеграциясын қамтамасыз етеді.
Бұл іс-шара Біріккен Ұлттар Ұйымы қабылдаған №9 Тұрақты даму мақсатын («Индустрияландыру, инновациялар және инфрақұрылым») іске асыруға елеулі үлес қосады. Салалық кәсіпорын базасындағы оқыту тұрақты инфрақұрылымды дамытуға, білім мен өнеркәсіп арасындағы байланысты нығайтуға және болашақ мамандардың инновациялық әлеуетін қалыптастыруға ықпал етеді.
